माछापुच्छ्रे बैंक लि. “ इन्फोसिस फिन्याकल इनोभेसन अवार्ड २०२३-म्याक्सिमाइजिंग कष्टुमर इनगेजमेण्ट गोल्ड” पुरस्कारबाट सम्मानित भएको छ ।

बहुराष्ट्रिय सूचना प्रविधि कम्पनीद्धारा बैंक उक्त अर्वाबाट सम्मानित भएको हो ।

विगत दुई वर्षमा बैंकले आफ्नो डिजिटल सेवालाई निरन्तर परिष्कृत गर्नुका साथै सेवालाई सुरक्षित बनाउन नवीनतम कदमहरू चालेको छ । इन्फोसिस फिन्याकलले हरेक वर्ष विभिन्न १० विधामा अवार्ड प्रदान गर्दै आईरहेको छ ।

यस वर्ष विश्वभरीबाट २०० भन्दा बढी कम्पनीहरु विभिन्न विधाहरुमा मनोनयनमा परेका थिए ।

बैंकले हाल देशका ७ वटै प्रदेशमा १६५ शाखा, १२ एक्सटेन्सन काउन्टर, १३३ शाखारहित बैंकिङ्ग सेवा, २०३ एटिएम मार्फत १४ लाख भन्दा बढी ग्राहकहरुलाई सेवा प्रदान गर्दै आइरहेको छ ।