विश्व उपभोक्ता दिवसको अवसरमा साताव्यापी विभिन्न कार्यक्रमहरु सञ्चालन भइरहेका छन् । हरेक बर्ष १५ मार्चलाई विश्व उपभोक्ता दिवसको रुपमा मनाउँदै आइएको छ । यस बर्ष पनि यस दिवसलाई नेपालमा भव्यताको साथ साताव्यापी रुपमा मनाइरहेको अवस्था छ ।

यसै सन्दर्भमा उपभोक्ता सचेतना जागरणको उद्धेश्य सहित ‘उपभोक्ता जागरण अभियानको लागि स्थानीय तहको भूमीका’ विषयक वक्तृत्वकला कार्यक्रम आयोजना गरिएको छ । कार्यक्रमको आयोजना उपभोक्ता अधिकार अनुसन्धान मञ्च बाट गरिएको हो । कार्यक्रम सम्पन्न गराउनको निम्ति आपुर्ती व्यवस्थापन तथा उपभोक्ता हित संरक्षण विभागको सहयोगको सहयोग प्राप्त भएको थियो ।

तारकेश्वर क्षेत्रका १० विद्यालयका १७ विद्यार्थी संलग्न रहेको आजको उक्त कार्यक्रममा सिद्धार्थ मोडल स्कुलकी कक्षा ९ की छात्रा दिपा काप्री प्रथम भएकी छिन् । यसैगरी मनमैजु माविका गोपाल कोइराला द्वितीय भएका छन् ।