जुत्ता चप्पल उद्योगी व्यवसायी संघमा महासचिव रहनुभएका संकर खत्रीले नेपालमा विगत १० बर्ष देखि यस क्षेत्रमा रहेर काम गर्नुभएको

छ । यो उद्योग अहिले बनस्थलिमा सञ्चालनमा छ । यस कम्पनीले महिलाहरुको निम्ति आवश्यक जुत्ता उत्पादन गर्ने काम गर्छ ।

संघका महासचिव हाल यस संघमा करिब अढाइ सय व्यवसायीहरु संलग्न रहेको बताउनुहुन्छ । उहाँका अनुसार नेपालमा जुत्ताको क्षेत्रमा सबैभन्दा धेरै व्यवसायीहरु संलग्न रहेको संस्था हो यो संघ । लगानीको हिसाबले घरेलु तथा साना लगानीका उद्योगहरु संलग्न रहेका जुत्ता व्यवसायीहरु हाल यस संस्थामा संलग्न हुनुहुन्छ । ठूला व्यवसायीहरु समेत हुनुहुन्छ । २०७० मा स्थापना भएको यस संघले आयोजना गरेको यो मेला पहिलो मेला हो ।

संघका अन्य गतिविधिहरु ः
हामीले यस संघ अन्तरगत बन्दको विरोध स्वरुप अघिल्लो बर्ष बाटोमा नै जुत्ता बनाउने काम समेत गरेको समेत उहाँले बताउनुभएको छ । ‘बन्द विफल पारौं, बन्द नगरौं’ भन्ने नारा सहित आयोजना गरिएको उक्त मेलाको उद्धेश्य नेपालमा नै गरि खाने वातावरण बन्नुपर्छ भन्ने मान्यताले यसो गरिएको समेत बताउनुभएको छ ।