सेन्टर फर डेमोक्र्याटिक इन्जिनियर्स नेपाल (सिडेन)ले वरिष्ठ इन्जिनियर तथा नेपाल सरकारका पूर्वसचिव भीम प्रसाद उपाध्यायलाई पक्राउ गरिएको गरिएको विषयमा आफ्नो ध्यानाकर्षण भएको बताउँदै विज्ञप्ति प्रकाशन गरेको छ ।

वाक स्वतन्त्रता लोकतन्त्रको गहना भएको बताउँदै मुलुक संघीय लोकतान्त्रिक गणतन्त्रमा प्रवेश गरिसक्दा पनि वाक स्वतन्त्रताको लागि सङ्घर्ष गरिरहनुपर्ने अवस्था दुर्भाग्यपूर्ण रहेको बताइएको छ ।

सिडेनका उपाध्यक्ष ई. लक्ष्मण केसीले जारी गरेको उक्त विज्ञप्तिमा यस घटनालाई लज्जास्पद घटनाको संज्ञा दिइएको छ ।

संविधानले प्रत्याभुत गरेको अभिव्यक्ति स्वतन्त्रताको यस घटनाबाट उल्लङ्घन भएको प्रति संकेत गर्दै संस्थाले निज भिम प्रसाद उपाध्यायलाई तत्काल ससम्मान रिहाई गर्नुपर्ने माग समेत गरेको छ ।