काठमाडौँ, २७ फागुनः नेपाल स्टक एक्सचेञ्ज (नेप्से) परिसूचक आज ३२ दशमलव २१ अङ्कले घटेको छ। यसका साथ पुँजीबजारको गिरावटको क्रम जारी रहँदै, आज नेप्से परिसूचक २,७१९ दशमलव २० मा पुगेको छ, जुन एक दशमलव १७ प्रतिशतको कमी हो।

आज तीन सय तीन वटा कम्पनीहरूको एक करोड ५५ लाख ५९ हजार छ सय ८३ कित्ता शेयर ९२ हजार ३१ पटक किनबेच भएको छ, जसबाट कुल कारोबार रकम रु ८ अर्ब ३९ करोड ११ लाख ४९ हजार पुगेको छ।

विकास बैंक समूहको सूचकमा १ दशमलव ९३ प्रतिशतको वृद्धि देखिएको छ भने अन्य सबै समूहहरूको सूचक घटेको छ। बैंकिङ समूहमा ० दशमलव ७१, वित्त समूहमा १ दशमलव ५७, होटल र पर्यटन समूहमा १ दशमलव १३, जलविद्युत् समूहमा १ दशमलव ५१, लगानी समूहमा १ दशमलव ८९ र जीवन बीमा समूहमा १ दशमलव ३० प्रतिशतको गिरावट आएको छ। थप रूपमा, उत्पादन र प्रशोधन समूहमा २ दशमलव ४९, लघुवित्त समूहमा ० दशमलव ८९, म्युचुअल फण्ड समूहमा ० दशमलव १०, निर्जीवन बीमा समूहमा ० दशमलव ९९, व्यापार समूहमा १ दशमलव ७९ र अन्य समूहमा १ दशमलव ६८ प्रतिशतको गिरावट भएको छ।