निजी डेरीहरुले दुग्धजन्य पदार्थको मूल्य वृद्धि गरेका छन् ।

आजबाट लागु हुने गरि निजी डेरीहरुले बिहीबार दूधको मूल्य लिटरमै १४ रुपैयाँले वृद्धि गरेका हुन् ।

नयाँ मूल्यवृद्धिपछि प्रशोधित दूधको उपभोक्ता मूल्य प्रतिलिटर १०० रुपैयाँ पुगेको छ ।

दही प्रतिलिटर २५ रुपैयाँ, पनिरप्रतिकिलो १४० रुपैयाँ र घ्यू प्रतिकेजी २०० रुपैयाँले महंगिएको छ ।

यससंगै दहीको मूल्य प्रतिलिटर १९० रुपैयाँ पुगेको, पनिरको मूल्य प्रतिकेजी ८४० रुपैयाँ र घिउको मूल्य प्रतिकेजी १३ सय रुपैयाँ कायम भएको छ ।

नयाँ मूल्य देशभर दूधकोलागि शुक्रबारबाट तथा दही, घ्यू, पनिरकाे शनिबारबाट लागू हुनेछ ।