रवि लामिछाने नेतृत्वकाे राष्ट्रिय स्वतन्त्र पार्टीबाट घण्टी चुनाव चिन्ह लिएर काठमाडाैं ७ बाट विजयी भएका गणेश पराजुली एक सफल युवा उद्यमी हुन् ।

स्थायी घर खाेटाङ भएका गणेश पराजुली लामो समय देखि निर्यातजन्य वस्तुहरुको उत्पादनमा जोडिएर काम गर्दै आएका छन् ।

नेपाल निर्यात परिषदका सदस्य समेत रहेका पराजुलीले चमतीमा हिमालयन ह्याण्डिक्राफ्ट इण्डष्ट्रिज सञ्चालन गर्दै आएका छन् ।

उनले आफ्नो उद्योग मार्फत प्रत्यक्ष रुपमा करिब ४० जना व्यक्तिहरुलाई रोजगारी उपलब्ध गराउँदै आएका छन् ।

नेपालमा गाँजा लगायतका प्राकृतिक रेसाजन्य वस्तुहरुलाइ प्रवद्धन गरेर राम्राे लाभ लिन सकिने मान्यता राख्ने पराजुली मुलुकलाइ समृद्ध बनाउने साेच सहित अघी बढेका व्यक्ति हुन् ।

नेपाली युवाहरुलाइ उद्यमशिल बनाउने र भ्रष्टाचारलाइ अन्त्य गर्न आफ्नाे विजय महत्वपूर्ण सावित हुने पराजुलीकाे दावी छ ।

आगामी दिनमा नवविकसित प्रविधि आत्मसात् गर्दै सकारात्मक याेजना र उद्देश्य सहित अघी बढे नेपालकाे विकासमा महत्वपूर्ण उपलब्धि हासिल हुन सक्ने पराजुली बताउँछन् ।