नेता रघुजी पन्तले आफूहरुले व्यवस्थित र यथाशीघ्र बैठक बोलाउन राखेको प्रस्तावमा प्रधानमन्त्री केपी ओली पक्षधर नेताले बैठक बोलाउने तर समस्या समाधान गर्ने हिसावले मात्रै बोलाउने भनेको रातोपाटीलाई बताए ।  त्यस्तै दुवै पक्षबीच सचिवालयको बैठक मंगलबार बस्ने सहमति पनि भएको छ । सचिवालयको बैठकले स्थायी कमिटी बैठकको मिति तोक्ने पनि सहमति भएको छ । उक्त बैठकमा माधव नेपाल पक्षले सरकार र पार्टीका कामबारे विना पूर्वाग्रह समीक्षा गर्नुपर्ने र समस्याको निकास खोज्नुपर्ने धारणा राखेका थिए । त्यस्तै उनीहरुले त्यस्तो निकास पार्टी अध्यक्ष र प्रधानमन्त्रीको हैसियतमा केपी ओलीले दिनुपर्नेमा नेताहरु एकमत बनेका छन् ।