एजेन्सी । बार्सिलोनाले स्पेनिस ला लिगामा स्पान्योलसँग १–१ गोलको बराबरी खेलेको छ।
घरेलु मैदान क्याम्प नोउमा भएको खेलको सातौं मिनेटमा मार्कोस अलोन्सोले गरेको गोलसँगै बार्सिलोनाले अग्रता लिएको थियो।
स्पान्योलको लागि ७१औं मिनेटमा पेनाल्टीमार्फत होसेलुले बराबरी गोल फर्काएका थिए। बराबरीसँगै १५ खेलबाट ३८ अंक जोडेको बार्सिलोना शीर्ष स्थानमा छ। समान खेलबाट समान अंक जोडेको रियाल दोस्रो स्थानमा छ। स्पान्योल १५ खेलबाट १३ अंक जोडेर १६औं स्थानमा छ।
© 2026 All right reserved to सेताेघर मिडिया नेटवर्क प्रा लि | Site By : Sobij
