काठमाडाैं । नेपालमा कोरोना महामारीको दोस्रो लहर अप्रत्याशित एवं अकल्पनिय रुपमा तिव्र रुपमा बढ्दाे क्रममा छ ।

यस्ताे अवस्थामा  मूल्य अभिवृद्धि कर तथा अन्तःशुल्कको मास्केवारी तथा कर राजश्वहरु दाखिला गर्न असहज र असुरक्षित भएको
जानकारी गराउँदै वर्तमान विषम परिस्थिति सहज नहुन्जेल सम्मका लागि कर राजस्व दाखिलामा जरीवाना छुट सहित आवश्यक व्यवस्था गर्नुपर्ने भन्दै नेपाल उद्याेग वाणिज्य संघ काठमाडाैंले १ विज्ञप्ति मार्फत नेपाल सरकारलाइ ध्यानाकर्षण गराएकाे छ ।

विज्ञप्तिमा  नेपाल सरकारले २०७८ वैशाख १६ बाट काठमाण्डौं उपत्यका लगायत विभिन्न जिल्लाहरुमा निषेधाज्ञा जारी गरेकाे र यसरी निषेधाज्ञा  जारी हुँदा उद्योग व्यापार पूर्ण रुपमा बन्द रहेकाे  कुरा संघका अध्यक्ष दिनेश श्रेष्ठबाट जारी विज्ञप्तिमा उल्लेख छ ।

यस्ताे अवस्थामा स्वयम उद्योगी व्यवसायीहरु एवं कर्मचारीहरु समेत संक्रमणबाट सुरक्षित रहने उद्देश्यले निषेधाज्ञाको पालना गर्दै घर-घरमै बस्दै गरेको स्थिति बारे समेत विज्ञप्ति मार्फत जानकारी गराइएकाे छ ।