लकडाउनकाे कारण जनजीवन प्रभावित हुँदै गएसँगै विभिन्न संघसंस्थाहरु सहयाेगमा जुटेका छन् ।यस अवस्थामा कल्याणकारी स्वयंसेवक संघले पनि राहत वितरणकाे लागि काम गरिरहेकाे छ ।
यस संस्थाले अहिलेसम्म ४६ परिवारलाई चामल, दाल, तेल, नुन, चिनी वितरण गरेकाे छ ।
यसैगरी संस्थाले बुढानिलकण्ठ नगरपालिकाको विपत् व्यवस्थापन कोषको लागि मेयर उद्दव खरेललाई नगद ४३२९० रुपैयाँ सहयाेग गरेकाे छ भने उदयपुर बेलका नगरपालिकाको विपत व्यवस्थापन कोषको लागि मेयर दुर्गा थापालाई संघको बेलका नगरकमिटी मार्फत नगद ३० हजार रुपैयाँ सहयाेग गरेकाे छ ।
यसैगरी सैस्थाले विभिन्न संस्थाहरुलाइ जिन्सी सहयाेग समेत गरेकाे छ ।
संघको सिन्धुपाल्चोक कमिटी मार्फत त्रिपूरासुन्दरि गाउँपालिकालाई एक थान थर्मल गन र ५०० वटा मास्क बुढानिलकण्ठ नगरपालिका वडा नम्बर ११ लाई ५०० वटा मस्क, बुढानिलकण्ठ नगरपालिका र टोखा नगरपालिकाका पत्रकारहरुका लागि पत्रकार सविन पन्त मार्फत २५ थान N90 मास्क र २५ थान सेनिटाइजर एवं मानव आश्रम सेवा संघलाई ५ लिटर सेनिटाइजर हस्तान्तरण गरिसकेको छ ।
अागामी दिनमा पनि सहयाेगका कार्यक्रमहरु निरन्तर सञ्चालन हुने संस्थाका अध्यक्ष अक्कल तामाङले बताउनुभयाे ।
