किन गरिंदैछ आस, ढुंगा फूल्छ भन्दै ||
मेरो कुनै आसपास, ढुंगा फूल्छ भन्दै ||
मदिराको मातसंगै, चिच्याउँदैछ कराउँदैछ
फुटाउँदै छ गिलास, ढुंगा फूल्छ भन्दै ||
आउँछ सुगन्ध, डाली हल्लाई फर्कि फर्कि
चल्छ होला वतास, ढुंगा फूल्छ भन्दै ||
दुनियाँले नकार्ला, अनि मेरो लाज मान्ला
कहिं कतै एकलास, ढुंगा फूल्छ भन्दै ||
आजपनि तिमि,सालिक जस्तै मुर्ति जस्तै
तर किन लाग्छ विश्वास, ढुंगा फूल्छ भन्दै ।।
रमेश ढुंगाना अस्तु,
गेरुवा ४ गोला बर्दिया
हाल:- किर्तिपुर, काठमाडौं
© 2026 All right reserved to सेताेघर मिडिया नेटवर्क प्रा लि | Site By : Sobij
