काठमाडौं,  नेपाल कम्युनिस्ट  पार्टी (नेकपा)को सचिवालयको बैठक केहीबेर पछि  बस्दैछ ।  प्रधानमन्त्री निवास बालुवाटारमा बिहन ९:00 बजे बस्ने बैठकमा पार्टी विधान मस्यौदाका बारेमा छलफल हुने बुझिएको छ । 

यस अघि बसेको स्थायी समितिको बैठकले पार्टी बिधानका सम्बन्धमा आवश्यक सुझाव सहित मस्यौदा तयार गर्न सचिवालयलाई जिम्मा दिएको थियो । सो अनुसार सचिवालयले विधान मस्यौदा बैठकमा पेश गर्ने भएको छ । बैठकले पार्टी बिधानको टुंगो लगाउदै त्यसको छलफलका लागि स्थायी समितिमा पेश गर्ने भएको छ । सो पार्टीको स्थायी समितिको बैठक संभवत बिहीबार दिउसो बस्नेछ ।

आजको सचिवालयको बैठकले स्थायी समितिका छलफलका एजेण्डा समेत तयार गर्ने भएको छ । सरकारको कामको समीक्षा, पार्टीका बिभिन्न तहका एकीकरण लगायतका बिषयमा छलफल हुने बताईएको छ।