दीपक घिमिरे, नुवाकाेट ।

यतिबेला नुवाकोटका नेताहरूमा चुनाव सारगर्मी बढेको छ । नुवाकोट निर्वाचन क्षेत्र नं १ बाट लोकतान्त्रिक गठबन्धनका उम्मेदवार डा रामशरण महतले नुवाकोटका जनता सामु आफ्नो प्रतिबद्धता सार्वजनिक गरेका छन । नेपाली कांग्रेसको वरिष्ठ नेता एवं पूर्व अर्थमन्त्री महतले नुवाकोटको विकास र समृद्धिको निम्ति अाफ्ना एजेण्डाहरु सार्वजनिक गरेका हुन् ।

नेता महतले मुलुकको हरेक परिवर्तनमा नेतृत्वदायी भूमिका निर्वाह गर्दै आएको नेपाली कांग्रेसको नेतृत्वमा नै लोकतान्त्रिक नेपालको समुचित विकास र समृद्धिको अभियान अघि बढ्ने विश्वास व्यक्त गरेका छन् l मुलुकको विकासमा नेपाली काँग्रेसले खेलेको भूमिकाको नेपाली जनताले उच्च मूल्यांकन गर्ने समय आएको पनी बताए ।

हिजो राजधानीमा भएको एक कार्यक्रममा नेता महतले भने “कांग्रेसकै नेतृत्वमा नै आएकाे हाे नेपाल संघीय लोकतान्त्रिक गणतन्त्रात्मक संविधान, अब कांग्रेसकै नेतृत्वमा अगी बढ्छ समृिद्धको अभियान’ देशको विकासका लागि नेपाली कांग्रेसको नेतृत्व अपरिहार्य रहेको बताएका छन् l

१. भ्रष्टाचारमा शून्य सहनशीलताको नीति अवलम्बन गर्ने

२). प्रत्येक घरपरिवारमा स्वच्छ खानेपानीको ब्याबस्था गर्ने

३). स्रोत पारदर्शी नभएको र कम्तिमा २ बर्ष निरन्तर काम नगरेको एनजिओ आईएन्जिओ प्रबेश निषेध

४). सार्वजनिक संस्थामा मादक पदार्थ, सुर्ती जन्य पदार्थमा निशेध गर्ने

५). सेवा क्षेत्रका सबै कर्मचारीको आवधिक स्वमुल्याङ्कन तथा नतिजामा आधारित करार र तलब सुबिधा लागु गर्ने

६). हरेक परिवारलाई पोषणको साझा कोड लागु गर्ने र गरिव परिवारलाई खाद्य सुरक्षा कोष परिचालन गर्ने

७). जेष्ठ नागरिक तथा बालबालिकाहरुको लागि पार्कको व्यबस्था गर्ने

८). सांस्कृतिक केन्द्र बनाई सभ्य सामाजिक कला र मनोरन्जन प्रदान गर्ने

९). दीगो पर्यावरणमा र प्राकृतिक सम्बन्धका उदाहरण हरेक घरमा शुरु गर्ने

१०). वैदेशिक रोजगारिको नाममा हुने गरेको ठगीको अन्त्य र नगरमै रोजगारी गर्ने

११). कृषिको पकेट क्षेत्र बनाइ कृषिमा बैज्ञानिक आधुनिकिकरण गरि कृषि उपजको बजार को ब्यबस्थापन 

१२). बिद्यालयबाटै शिपमुलक शिक्षाको बेबस्था गरी भाबी पुस्तालाई रोजगार युक्त शिक्षा प्रदान गर्ने