काठमाडौँ, २० फागुन : मंगलबार सुनचाँदीको मूल्य बढेको छ ।
आज छापावाल सुनको मूल्य प्रतितोला रू १ हजार ४ सयले बढेर प्रतितोला रू १ लाख ६९ हजार ५ सय कायम भएको नेपाल सुनचाँदी व्यवसायी महासङ्घले जनाएको छ । सोमबार प्रतितोला रू १ लाख ६८ हजार १ सय रूपैयाँमा कारोबार भएको थियाे ।
त्यस्तै चाँदी प्रतितोला रू २५ बढेर रू १ हजार ९ सय ४० मा किनबेच भइरहेकाे छ । अन्तर्राष्ट्रिय बजारमा आज सुन प्रतिऔंस दुई हजार आठ सय ९२ अमेरिकी डलर हाराहारीमा कारोबार भईरहेको छ ।
