काठमाडौं । नयाँ आर्थिक बर्षको पहिलो दिन सेयर बजारमा लगानीकर्ताको उत्साह देखिएको छ । आईतबार बजार खुलेदेखि नै उकालो लागेको सेयर बजार पछिल्लो समयकै उच्च अर्थात ३.३७ अंकले बढ्न पुगेको छ ।

आर्थिक बर्षको पहिलो दिन नेप्से परिसुचक ९७.२३ अंकले उकालो लाग्दा कारोबार रकम पनि बढ्न पुगेको छ । बजारमा आज केही समययताकै उच्च ११ अर्ब ६३ करोड रुपैयाँको सेयर कारोबार भएको छ ।

बजारमा सबैभन्दा बढि प्रभुत्व रहेको बैंकिङ समुहको परिसूचक उचालिँदा सेन्सेटिभ समुहको परिसुचक उच्च रुपमा बढ्नुका साथै समग्र नेप्से परिसुचकमा उच्च अंकको वृद्धि आएको छ । दिनभर बैंकिङ समुहको परिसुचक ९२.५८ अंकले बढ्दा सबैभन्दा बढि बीमा समुहको परिसुचक ६४८ अंकले उकालो लागेको छ । यसैगरी बजारमा निर्जीवन बीमा समुहको परिसचुक ४४१ अंकले बढ्दा विकास बैंक समुहको परिसुचक २३३ अंकले उकालो लागेको छ ।

आर्थिक बर्षको पहिलो दिन सबै समुहको परिसुचक बढ्दा ५ कम्पनीले भने सर्किट हान्न पुगेको छ । उच्च अंकले बढेको बजारम मञ्जुश्री फाइनान्सको ४१ करोड रपैयाँको सेयर कारोबार भएको छ भने दोस्रो बढि कारोबार हुनेको सूचीमा नबिल बैंक रहेको छ ।