ओउजो हस्पिटालिटी प्रा.लि. अन्तरगत सञ्चालनमा आएको आउजो क्याफे एण्ड रेष्टुरेन्ट नेपालमा सफा, स्वस्थकर खाना उपभोक्ताको पहुँचमा पुर्याउने उद्धेश्यले सञ्चालन गरिएको हो । नेपालमा राम्रो खानाको व्यवस्था अधिकांश ठाऊँमा उपलब्ध हुन नसकेको अवस्थालाई विचार गर्दैआफूले उक्त क्याफे सञ्चालनमा ल्याएको सञ्चालक विशाल  बस्नेतले बताए ।

लामो समय करिब ८ बर्ष अष्टेलिया बसेपश्चात् नेपालमा आएर व्यवसाय गर्ने बनाएको कारण अहिले नेपालमा हस्पिटालिटी क्षेत्रमा लगानी विस्तार गर्ने योजना बमोजिम उनी अघी बढेका छन् ।
मध्यम शुल्कमा फ्रेस खाना उपलब्ध गराउने योजना बमोजिम सञ्चालनमा आएको यस कम्पनीले हस्पिटालिटी सम्बन्धी अन्य क्षेत्रमा समेत शाखाहरु सञ्चालन गर्दै जाने योजना बमोजिम कम्पनीले आफ्ना गतिविधिहरु अघी बढाउनेछ ।

हाल ९ जना कर्मचारी संलग्न रहेको यस क्याफेमा आफूले अष्टे«लियामा रहँदा जुन गुणस्तरीयतायुक्त खाद्यान्न उपलब्ध छ, सोही गुणस्तर नेपालमा समेत उपलब्ध गराउने योजना बमोजिम काम गरिरहेको र यसको लागि केही विशेष क्षमतायुक्त कर्मचारी खटाएको साथै आफैंले समेत आवश्यक व्यावहारिक तालिमहरु उपलब्ध गराउने समेत उनले बताए ।

यस क्याफेमा उपलब्ध भएका खाना तथा खाजा सम्बन्धी आइटमहरु ग्राहकको चाहना बमोजिम होम डेलिभरीको लागि फुडमाण्डुसँग एग्रिमेन्ट समेत भइसकेको छ । करिब ५० लाख रकम लगानीमा सञ्चालित यस क्याफेको लगानी करिब ४ बर्षमा रिटर्न भइसक्ने अनुमान बस्नेतको छ ।

नेपालमा व्यावसायिक वातावरण राम्रो हुन सक्ने अनुमान सहित आफूले नेपालमा व्यवसाय विस्तार गरेका हुन् । अष्टे«लियामा रहँदा सिकेको सीप, अनुभव र कमाएको पैसाबाट व्यवसाय शुरु गरेका उनी नेपालमा कर तथा राजस्वको अलावा सम्बन्धित सेवाप्रदायकले उपलब्ध गराउने सेवाको गुणस्तरमा राज्य पक्ष नै त्यति सचेत नभएको र यसको प्रत्यक्ष प्रभाव सेवाग्राहीलाई पर्ने अवस्था रहेको बताउँछन् ।