काठमाडौं, २४ चैतः नेपाल कफी महासंघद्धारा आयोजित Nepal Coffee Festival and Championship-2025 सम्पन्न भएको छ । ३ दिनसम्म सञ्चालन मेला शनिबार नेपाल चिया तथा कफी विकास बोर्डका कार्याकारी निर्देशक फाइन्द्र राज पाण्डेको प्रमुख अातिथ्यता तथा नेपाल कफी महासंघका अध्यक्ष मा काठमाडौंमा सम्पन्न भएको छ ।

कार्यक्रममा महासंघका उपाध्यक्ष सरोज श्रेष्ठले स्वागत मन्तव्य राख्नुभएको थियो । उहाँले कार्यक्रममा उपस्थित अतिथिहरुलाई स्वागत गर्दै नेपालमा कफी उद्योगलाई अर्काै उचाईसम्म पुर्याउन दक्षताको विकास गर्नुपर्ने कुरामा जोेड दिनुभयो । केही हदसम्म नेपालका कफी उद्योगीहरुलाई महासंघ मार्फत सङगठित गर्न सफल भएका छौं, जसको कारण हामी प्रोत्साहित भएका छौं । आगामी वर्षहरुमा कफीलाई अन्तराष्ट्रिय लेवलको बनाउँदै जाने, ट्रेनिङहरु सञ्चालन गर्न, क्याफे, उत्पादक, बिक्रेतासँगै अघि बढ्नुपर्ने धारणा राख्नुभयो । यसमा कृषि मन्त्रालय, नेपाल चिया तथा कफी विकास बोर्डलेले सहयोगी भूमिका खेल्नु पर्ने उहाँको भनाई थियो ।

नेपाल पश्मिना उद्योग संघका अध्यक्ष धन प्रसाद लामिछानेले ‘Make in Nepal,Made in Nepal’ भन्ने अवधारणालाई अगाडि सार्नुभयो । उहाँले कार्यक्रम एकदम प्रभावकारी रहेको र यस्ता कार्यक्रम मेला प्रदर्शनीहरूले व्यवसायीमा थप उर्जा थपिने भन्दै खुशी व्यक्त गर्नुभयो । बाँझो जमीनमा चिया, कफी खेती गरेर उत्पादन बढाउने र आयात प्रतिस्थापन गर्ने व्यापक सम्भावनाहरु रहेकाले मिलेर अघि बढ्नुपर्नेमा जाेड दिनुभयो । नेपाललाई आत्मनिर्भर बनाउन सरकारले झण्झटमुक्त प्रभावकारी नीतिलाई अवलम्बन गर्नुपर्ने र प्रतिकूल नीतिहरुलाई संशोधन गर्दै लैजानुपर्ने कुरामा समेत उहाँले जोड दिनुभयो ।

त्यस्तै कास्कीका कफी व्यवसायी विश्वबन्धु पोखरेलले मेलामा किसानको सहभागिता कम भएको भन्दै गुनासो पोख्नुभयो । किसानले कफीलाई प्रमुख बाली बनाउन नसकेकोले हामीले किसान केन्द्रित एवं किसानलाइ नै प्राथमिकतामा राखेर यस्ता किसिमका कार्यक्रमहरु सञ्चान गर्नुपर्ने बताउनुभयो ।

कार्यक्रमका प्रमुख अतिथि पाण्डेले कफी व्यवसायीको लागि नयाँ नयाँ विधिहरु अवलम्बन गर्नेपर्ने र नयाँ नयाँ तरिकाहरु खोजी गरी लागू गर्नुपर्ने धारणा राख्नुभयो । आफू पनि कफी व्यवसायीसँग नजिक राहेकोले कफीको गुणस्तर विकास र वृद्धिका लागि सक्दो सहयोग गर्ने बताउँनुभएको छ ।

कार्यक्रममा महासंघले कार्यक्रममा पहिलो कफी उत्पादक एवमं संस्थाका संस्थापक अध्यक्ष डाकेश्वर घिमिरे, पहिलो कफी प्रशोधनकर्ता कृष्ण घिमिरे र कफी विशेषज्ञ डा. राज कुमार बन्जारा लगायत उज्वल शमशेर राणा, फूल कुमार लामा र शान्ता वीर लामालाई पुरष्कृत गरेको छ ।

कार्यक्रममा महासंघका सदस्यहरु लगायत देशभरका कफी उद्योगीहरुको सहभागिता रहेको थियो भने कार्यक्रम ३ दिनसम्म सञ्चालन गरेको थियो ।