साइप्रसका ज्याक मकानीले प्रतिपादन गरेको आकाश हिलिङ कार्यक्रमलाई नेपालमा प्रवद्र्धन गर्ने कार्यमा लामो समय देखि संलग्न हुनुहुन्छ केशव थापा । अहिले आकाश हिलिङ विश्वका विभिन्न देशहरुमा विस्तार भइसकेको छ । नेपालमा पनि यसलाई दु्रत गतिमा अगाडि बढाउने योजनामा रहनुभएको थापा आगामी महिनाबाट यस सम्बन्धी एनएलपि (न्युरो लिङ्ग्वेष्टिक प्रोग्रामिङ) कार्यक्रम पनि सञ्चालन गर्ने योजनामा हुनुहुन्छ । नेपालको राष्ट्रिय कार्यक्रममा नीतिगत तवरबाट नै यस्ता कार्यक्रम सञ्चालन गर्नुपर्ने मान्यतामा हुनुहुन्छ केशव थापा ।

एनएलपी कार्यक्रम सञ्चालन गर्ने तयारी ः
आगामी महिनाबाट दैनिक ३ घण्टाको दरले १५ दिनको लागि एनएलपी कार्यक्रम सञ्चालन गर्ने योजनामा हुनुहुन्छ थापा । यसको अलावा विभिन्न सेमिनार तथा माइन्ड म्यानेजमेन्ट प्रोग्रामहरु हामीले सञ्चालन गर्ने योजनामा ऊहाँ हुनुहुन्छ ।

नेपालमा आकाश हिलिङका इनिसिएटर केशव थापा भन्नुहुन्छ, ‘हामीले जति नकारात्मक कुराहरु आफ्नो मष्तिष्कबाट हटाउन सक्छौं, हामी त्यति सकारात्मक कुराहरु हाम्रो मष्तिष्कमा भर्न सक्छौं । हामी सानोमा अथवा जन्मिदा सकारात्मक नै हुन्छौं । तर नकारात्मक हामी पछि मात्र हुँदै जान्छौं । साथीसंगतबाट भित्र्याएका नकारात्मक कुराहरुले हामीलाई निकै दुखी तुल्याएका हुन्छन् । ती फोहोरलाई सफा गर्ने र सकारात्मक दिशामा अघी बढ्ने कामको लागि यस्ता सकारात्मक सोच उत्पन्न हुने कार्यक्रमहरु युवाहरुको निम्ति निकै महत्वपूर्ण छन् ।

किन आवश्यक छ हिलिङ ?
नेपाली युवाहरुमा रहेका नकारात्मक सोचलाई हटाई सकारात्मक बन्ने दिशामा अघी बढ्नको निम्ति निकै महत्वपूर्ण मानिने हिलिङ कार्यक्रमलाई आधुनिक उपचार पद्धतिको विकल्पको रुपमा समेत लिन सकिन्छ । वेभको माध्यमबाट एक ठाउँमा भएको अदृश्य शक्तिलाई अर्को ठाउँसम्म पु¥याएर तत्कालै विभिन्न समस्याहरुको उपचार गर्न सकिने हिलिङ प्रति अहिले नेपालीहरु पनि जागरुक बन्दै गएका छन् ।

मानिसका अधिकांश रोगहरु हामी आफैंले निम्त्याएका हुनाले ती अधिकांश रोगहरुबाट मुक्ति पाउनको निम्ति पनि बाह्य औषधीको आवश्यकता नपर्ने तर सकारात्मक सोच र दृढ इच्छाशक्ति भने हुनुपर्ने कुरामा केशव थापा आफ्नो क्षेत्रबाट निरन्तर रुपमा संलग्न रहिरहनुभएको छ ।

नेपालमा प्रचलित हिलिङहरु ः
नेपालमा अहिले धेरै किसिमका हिलिङहरु प्रचलनमा छन् । जापानिज हिलिङ, आवाजको माध्यमबाट गरिने हिलिङ, रेकी, भारतीय तथा चिनियाँ हिलिङ लगायतका विभिन्न किसिमका हिलिङहरु अहिले अस्तित्वमा छन् । सबै हिलिङहरुको आधारभूत सिद्धान्त एउटै भएपनि उक्त हिलिङ कसरी लिने कसरी भन्ने कुरामा यो निर्भर रहन्छ ।
कुनै हिलिङमा एकले अर्कोलाई छोएर हातको माध्यमबाट वेभ प्रशारण गरिन्छ भने कुनै हिलिङ नछोइकन निकै लामो दूरीका मानिसहरुलाई पनि उक्त वेभ प्रशारण गरेका प्रभावको कारण हाम्रो उद्धेश्य पूरा गराउन सकिन्छ ।

‘हामीले हिलिङको माध्यमबाट आधुनिक उपचारबाट सम्भव नभएका समस्याहरु समेत सफल तवरले उपचार गराएका छौं । नेपालमा नै बसेर विदेशमा विभिन्न ठाऊँमा भएका मानिसहरुलाई पनि उपचार गराएका छौं’ हिलिङको माध्यमबाट आफू मातहत सम्पन्न कार्यक्रमबारे थापाले आफ्नो अनुभव सुनाउनुभयो ।

नेपालमा अहिले हिलिङ व्यक्तिगत पहलमा मात्र सञ्चालनमा छ । यसलाई थप ठूलो क्षेत्रमा विस्तार गरिनु जरुरी छ । यसको लागि नीतिगत तवरबाट काम अघी बढाउनु जरुरी रहन्छ । यसको लागि पनि हामीले पहल गरिरहेका छौं ।

हिलिङको उत्पत्ति ः
हिलिङ पद्धति हाम्रो पौराणिक शास्त्रको रुपमा रहेको गीताबाट नै भएको हो । यद्यपि अहिले भने यो पद्धति विश्वका वहुसङ्ख्यक देशहरुमा पनि विस्तार भएको छ । ती देशहरु हुँदै अहिले पुःन नेपालमा आएको छ यो पद्धति । यसलाई निकै ठूलो दायरामा विस्तार गर्नुपर्ने आवश्यकता छ । नेपालमा आगामी दिनमा यस्ता कार्यक्रमहरु तल्लो तहमा लैजानको निम्ति अन्य निकायहरुको पनि सहयोग आवश्यक छ ।

सकारात्मक सोच र स्वास्थ्य लाभको निम्ति हिलिङको महत्व ः
नेपालमा अहिले योग, ध्यान, हिलिङ लगायत प्रचलनमा छन् । जुन सकारात्मक सोच तथा स्वस्थ जीवन र जगत प्रतिको बुझाइको निम्ति निकै आवश्यक कुराहरु हुन् । आधारभूत रुपमा हेर्दा दुवैको काम समेत एउटै किसिमको देखिन सक्छ । यद्यपि ध्यानले मानिसका विचारहरुलाई एउटै विन्दुमा ल्याउने काम गर्छ । योगले मानिसको शक्तिको माध्यमबाट सकारात्मक ऊर्जा प्रदान गर्ने काम गर्छ । तर हिलिङ तुलनात्मक रुपमा योग र ध्यान भन्दा सहज छ । मानिसहरुका मनमा धेरै किसिमका सकारात्मक तथा नकारात्मक विचारहरु आउने गर्छन् । ती सबै विचारबाट हामीलाई आवश्यक कुराहरु व्यवस्थित तवरले ग्रहण गर्नको निम्ति हिलिङ सबैभन्दा सहज र सरल छ ।

विद्यालय तहको शैक्षिक कार्यक्रममा आवश्यक छ हिलिङ ः
‘नेपालमा युवाहरुलाई सकारात्मक ऊर्जा पैदा गर्ने कार्यक्रमहरु आवश्यक छन् । यसैकारण अहिले हामीले शैक्षिक कोर्षको रुपमा पनि ध्यान तथा हिलिङ समेट्नुपर्छ भन्ने कुरा हामीले उठाउँदै आएका छौं । अहिले हामी नेपालका युवाहरुलाई लक्षित गरेर सचेतनामूलक कार्यक्रमहरु विद्यालय तहमा नै लैजानु आवश्यक छ भन्ने किसिमले हामीले पहल गरिरहेका छौं ।’ यस्ता कार्यक्रमहरुले हाम्रा आगामी पुस्ताको भविष्य समेत सुरक्षित हुनेछ । अहिले नेपालमा ७ ओटै प्रदेशमा विशेष टे«निङ सेन्टर चलाउने कुरा आइरहेको छ, त्यस क्रममा पनि यस किसिमका कार्यक्रमहरु अनिवार्य रुपमा संलग्न गर्नुपर्ने आवश्यकता छ ।

जीवन के हो ?
‘जीवन र जगतलाई हामीले कसरी बुझ्छौं र त्यसलाई कसरी प्रस्तुत गर्ने भन्ने कुरामा नै जीवन निर्भर रहन्छ । जीवन यात्रा हो । जीवन निरन्तर चलिरहन्छ । हामीले जानेको कुरा अरुलाई सिकाउने हो । नजानेको कुरा अन्य व्यक्तिहरुबाट हामीले सिक्ने हो । यस अर्थमा हामीले जीवनलाई विद्यार्थीको रुपमा पनि हेर्न सक्छौं’ थापा भन्नुहुन्छ ।

रोगको कारण नै भय, त्रास र सोच ः
रोग मानिसले आफ्नै सोच र व्यवहारबाट नै निम्तिने हो । डर र त्रास रोगका लक्षणहरु हुन् । मानिसमा आउने तनाव र नकारात्मक विचारबाट नै रोग सृजना हुने गर्छ ।

आफ्नै बारेमा सोचौं ः
अहिले पनि अधिकांश मानिसहरु आफ्नो बारेमा सोच्न वा काम गर्न चाहँदैनन् । जहिले पनि अरुका बारेमा नै सोचेर चिन्तित हुने गर्छन् । तर हामीले बुझ्नुपर्ने महत्वपूर्ण कुरा भनेको सबैभन्दा पहिले आफूले नै बुझ्ने कोसिस गर्नुपर्छ । म को हुँ ? मेरो क्षमता के छ ? भन्ने कुरा बुझ्न सकेमा सकारात्मक तवरले परिवर्तित हुन सकिन्छ । त्यसैबाट नै अन्य व्यक्तिहरुलाई पनि सकारात्मक तवरले परिवर्तन गर्न सकिन्छ । जुन निकै महत्वपूर्ण कुरा हो । यसैकारण हरेक नेपालीले केही समय आफ्नो लागि पनि छुट्याउनुस् । जब तपाईं आफू राम्रो बन्नुहुन्छ । आफ्नो क्षमता चिन्निुहुन्छ । यो जान्ने बित्तिकै सबै कुराहरु सहज हुँदै जान्छन् । तपाईंका समस्याहरु आफैं समाधान भएर जान्छन् ।