सृजनशिल विद्यार्थी समाजको आयोजनामा शुक्रबार तारकेश्वरको इमेज स्कुलमा अन्तर विद्यालय नगरस्तरीय हाजिरीजवाफ प्रतियोगिता सम्पन्न भएको छ ।

तारकेश्वर वडा ११ की वडा प्रमुख बिन्दा बुढाथोकीको प्रमुख आतिथ्यतामा आयोजना भएको उक्त कार्यक्रमको सभापतित्व बाबुराम कुवँरले गरेका थिए ।

हाजिरीजवाफमा नेशनल मोडल स्कुल, नेपालटारले प्रथम स्थान हासिल गरेको छ । द्वितीय स्थान मानसिंह धर्म स्कुलले हासिल गरेको थियो । तृतीय स्थान युरेका माविले प्राप्त ग¥यो ।
उक्त प्रतियोगितामा सृजना ज्ञानसागर, इमेज, नेपाल राष्ट्रिय मावि, गुरुकुल स्कुल, फुटुङ मावि लगायतको समेत उपस्थिति थियो । 

कार्यक्रममा प्रमुख अतिथि बिन्दा बुढाथोकीले विद्यार्थीको क्षमता प्रस्फुटनको लागि यस्ता कार्यक्रमहरुको भू्मीका महत्वपूर्ण रहने बताउँदै आयोजकलाई कार्यक्रम आयोजना गरेकोमा आभार व्यक्त गरिन् । कार्यक्रमका सभापति बाबुराम कुवँरले आगामी दिनमा सृजनशिल विद्यार्थी समाजले यस्ता अन्य विविध कार्यक्रमहरु समेत गर्न लागेको बताउँदै कार्यक्रम सफल पार्न सहयोग गर्ने व्यक्ति, संस्था र विद्यालय परिवारमा आभार व्यक्त गर्दै आगामी कार्यक्रमहरुमा समेत सहयोग मिल्ने अपेक्षा समेत जाहेर गरेका छन् ।