काठमाण्डाै । नेपाल उद्योग वाणिज्य संघ काठमाडौंको तेस्रो वार्षिक साधारण सभा तथा दोस्रो अधिवेशन सम्पन्न भएको छ ।

नयाँ कार्यसमितिका सबै पदाधिकारी निर्विरोध निर्वाचित भएका छन् ।

नवनिर्वाचित कार्यसमितिको अध्यक्षमा दिनेश श्रेष्ठ पुनः निर्विरोध चयन भएका छन् । अध्यक्षमा चयन भएका श्रेष्ठ अशोका कार्वन एण्ड एलाइड इण्डष्ट्रिज प्रालिका सञ्चालक हुन् । निर्वाचन कार्यक्रम अन्तर्गत भएको मनोनयनमा अध्यक्षमा श्रेष्ठको मात्रै उम्मेदवारी दर्ता भएपछि उनी निर्विरोध निर्वाचित बनेका हुन् । यससँगै अब उनले संघको अध्यक्षमा दोस्रो कार्यकालका लागि नेतृत्व प्रदान गर्नेछन् ।

यसैगरी संघका तीन उपाध्यक्षामा जयप्रसाद शिवाकोटी, राजेन्द्र शेरचन र रमानाथ श्रेष्ठ चयन भएका छन् ।

महासचिवको जिम्मेवारी दुर्गाराज श्रेष्ठले पाएका छन् । सघंको महासचिवमा चयन भएका श्रेष्ठ गोधुली इन्टरप्राइजेजका सञ्चालक हुन् ।

सचिवमा फेसियल हाउस प्रालिकी सुष्मा महरा, कोषाध्यक्षमा हिटको प्रालिका प्रदीपमान प्रधान र सह–कोषाध्यक्षमा शुभकामना फुटवेर प्रडक्टका नानीराज घिमिरे चयन भएका छन् ।

नेपाल उद्योग वाणिज्य संघ काठमाडौंको शुक्रबार सम्पन्न तेस्रो वार्षक साधारण सभामा नयाँ कार्यसमितिका पदाधिकारीले उद्योगी व्यवसायीको हकहितका लागि कार्य गर्ने प्रतिबद्धता व्यक्त गरेका छन् ।