काठमाडौं । काठमाडौं महानगरपालिकाका मेयर बालेन्द्र शाह (बालेन)ले भ्रष्ट्राचार विरुद्ध आन्दोलन गर्नेहरुलाई भ्रष्ट्राचार गर्ने नेता को हो थाहा छ भन्दै प्रश्न गरेका छन् ।

सामाजिक सञ्जालमा लेख्दै उनले सडकमा भ्रष्ट्रचार विरुद्ध गरेको आन्दोलनको नाटक आफूले धेरै पटक देखेको उल्लेख गर्दै आफूले अब नपत्याउने टिप्पणी गरे ।

बालेनले भोट दिएर नेता बनाएको आन्दोलन गर्नलाई नभई भन्दै सिधै कारबाही गर्न जिताएको भनेका छन् ।

उनले भ्रष्टाचार गर्ने नेता को हो, घर कहाँ हो भन्दै प्रश्न गरेका छन् । उनले भ्रष्टाचार गर्ने नेता को हो भन्ने थाहा छ भने सिधै बागमतीमा लगेर चोपल्न भनेका छन् ।

फेसबुकमा लेख्दै बालेनले भनेका छन्ः

भ्रस्टाचार बिरुद्धको आन्दोलन ? ?

को नेता हो थाह छ ?

घर कहाँ हो थाह छ ?

सिधै लगेर बागमतीमा चोपाल्नुस् ।

यस्तो सडक नाटक धेरै देखी सक्यो हाम्ले ।

पत्याउदिन म चही ।

तपाईँहरुलाई यत्रो भोट दिएर नेता बनाको आन्दोलन गर्नलाई हैन, सिधै कार्बाही गर्नलाई हो, सिधै कार्बाही गर्ने निती बनाउनलाई हो ।