कोरोनाभाइरसद्वारा संक्रमितको संख्या दुई करोड नाघेकाे छ । वर्ल्डोमिटर्सको पछिल्लो आँकडा अनुसार हालसम्म कोरोना संक्रमितको संख्या २ करोड २ लाख नाघेको छ । यसका साथै विश्वव्यापी रुपमा ७ लाख ३८ हजारको मृत्यु भएको छ ।

संसारकै सर्वाधिक संक्रमित अमेरिकामा छन् जहाँ संक्रमितको संख्या ५२ लाख रहेको छ भने १ लाख ६६ हजार बढीको मृत्यु भइसकेको छ ।

अमेरिकापछि दोस्रो स्थानमा ब्राजिल रहेको छ । ब्राजिलमा हालसम्म कोरोनाका ३० लाख संक्रमित रहेका छन् भने १ लाख बढीको मृत्यु भइसकेको छ ।

यस्तै गरी हालसम्म भारतमा २२ लाख बढी संक्रमित छन् । यहाँ ४५ हजारभन्दा बढीको मृत्यु भएको छ ।