काठमाडाैं । विश्वभर महामारीको रुपमा फैलिएको कोरोना भाईरसको गति अझै रोकिएको छैन ।

गत डिसेम्बरमा चीनको वुहानमा देखा परेको यो भाईरसले ६ महिना भन्दा बढीको अवधिमा ७७ लाख बढीलाई संक्रमण गरीसकेको छ भने ४ लाख २७ हजार बढीको मृत्यु भईसकेको छ ।
पछिल्लो २४ घण्टामा विश्वभर एक लाख ४० हजार बढी नयाँ संक्रमित फेला परेको वर्ल्ड मिटरले उल्लेख गरेको छ । यो सँगै विश्वभर संक्रमितको संख्या ७७ लाख नाघेको छ ।

यस्तै मृतकको संख्या पनि चार लाख २७ हजार नाघेको छ । यस्तै निको हुनेको संख्या ३९ लाख १९ हजार नाघेको छ ।

विश्वमा कोरोनाको संक्रमण उच्च भएका शीर्ष दश देशको विवरण अनुसार सबै भन्दा धेरै अमेरीकामा मृतकको संख्या एक लाख १६ हजार ८ सय १९ जना पुगेको छ । त्यहाँ संक्रमित २१ लाख १६ हजार नाघेको छ ।

यसै गरी ब्राजिलमा मृतकको संख्या ४१ हजार ९ सय १ जना पुगेको भने संक्रमित ८ लाख २९ हजार ९ सय २ पुगेको छ ।

यसै गरी रुसमा ५ लाख ११ हजार ४ सय २३ संक्रमित छन् भने ६ हजार ७ सय १५ जनाको मृत्यु भएको छ ।

भारतमा ३ लाख ९ हजार ६ सय ३ जना संक्रमित छन् भने ८ हजार ८ सय ९० जनाको मृत्यु भएको छ ।

बेलायतमा ४१ हजार ४ सय ८१ जनाको मृत्यु भएको छ भने २ लाख ९२ हजार ९ सय ५० जना संक्रमित छन् ।

स्पेनमा कुल २ लाख ९० हजार २ सय ८९ संक्रमित छन् भने २७ हजार १ सय ३६ जनाको मृत्यु भएको छ । त्यहाँ पछिल्लो केही दिन यता कुनै मृत्यु भएको छैन ।

ईटालीमा ३४ हजार २ सय २३ जनाको मृत्यु भएको छ भने २ लाख ३६ हजार ३ सय ५ जना जना संक्रमित छन् ।

पेरुमा २ लाख २० हजार ७ सय ४९ जना संक्रमित छन भने ६ हजार ३ सय ८ जनाको मृत्यु भएको छ ।

जर्मनीमा एक लाख ८७ हजार २ सय ५१ जना संक्रमित छन् भने ८ हजार ८ सय ६३ जनाको मृत्यु भएको छ ।

ईरानमा १ लाख ८२ हजार ५ सय २५ जना संक्रमित भएका छन् भने भने ८ हजार ६ सय ५९ जनाको मृत्यु भएको छ ।