भारतको नौतनवा स्थित क्वारेन्टाइनमा बसेका एक नेपालीको मृत्यु भएको छ । मृत्यु हुने व्यक्ति स्याङ्जाको हरिनाथ नगरपालिका–२ चिसापानीका ३२ वर्षीय पुरुष हुन्।

जेठ ५ गतेदेखि नौतनवास्थित राजीव गान्धी पीजी कलेजको क्वारेन्टाइनमा राखिएका उनको शनिबार मृत्यु भएको बेलहिया प्रहरी कार्यालयका प्रमुख प्रहरी निरिक्षक ईश्वरी अधिकारीले पुष्टि गरेका छन् ।

तर क्वारेन्टाइनमा फर्केलगत्तै उनको मृत्यु भएको त्यहाँ रहेका मृतकका भिनाजुले जानकारी गराएका प्रहरी निरीक्षक अधिकारीले बताए । बेलहिया नाका हुंदै नेपाल आउनुपर्ने नेपालीलाई सम्बन्धित जिल्लाका स्थानीय तहले प्रमाणीकरण गरेर नल्याएसम्म उनीहरुलाई फर्काएर नौतनवाका क्वारेन्टाइनमा राख्ने गरिएको छ ।

मृतकको कोरोना परीक्षण गरेर पोजेटिभ पुष्टि भए भारतमै अन्त्येष्टी गरिने र नेगेटिभ रिपोर्ट आए नेपाल ल्याएर आफन्तलाई शव बुझाइने प्रहरी निरीक्षक अधिकारीले बताए ।