काठमाडौं, माघ ८ । महिला वेचविखनको अभियोगमा मंसिर अन्तिम साता प्रक्राउ परेका नुवाकोट दुप्चेश्वर गाउँपालिका–१ का वडाध्यक्ष सुनबहादुर तामाङ अदालतले धरौटीमा रिहा गरेलगत्तै पूनः पक्राउ परेका छन् । काग्रेस नेता डा रामशरण महतले उनलाई छुटाउन प्रधानमन्त्री शेरवहादुर देउवासम्म दवाव वढाएपनि उनी २०६८ सालकै एउटा मुद्दामा फरार रहेको तथ्य फेला परेपछि पून प्रक्राउ परेका हुन् ।

त्यसोत उनीवाट पीडित वनेका थप महिलाहरुले पनि उजुरी दर्ता गराउन थालेका कारण उनको महिला वेचविखनका थप रहस्यहरु खुल्दै जान थालेको छ । केन्द्रीय अनुसन्धान ब्यूरोले उनलाई महिला वेचविखनको अभियोगमा मंसिर अन्तिम साता गाउपालिकावाटै प्रक्राउ गरि हिरासतमा राखेको थियो ।

उनी प्रक्राउ परेपछि छटपटिएका काग्रेस नेता महत लगायतले रिहा गर्न राजनीतिक दवाव वढाएका थिए । तर उनको विवादास्पद पृष्ठभूमिका कारण उनलाई रिहा गर्न जतिसुकै प्रेसर आएपनि प्रहरीले मानेको थिएन । सिविआईले माघ ५ गते शुक्रवार काठमाडौं जिल्ला अदालतमा वयानका लागि उपस्थित गराएपछि अदालतले उनलाई ८ लाख रुपैया धरौटीमा रिहा गर्न आदेश दिएको थियो ।

उक्त दिन धरौटी नवुझाएका कारण प्रहरीले तामाङ लाई सुन्धरास्थित केन्द्रीय कारागारमा चलान गरेको थियो । आइतबार उनले धरौटी रकम वुझाएका थिए । तर उनी २०६८ सालमै महिला वेचविखनकै मुद्दामा दोषी ठहर भई फरार रहेको तथ्य फेला परेपछि प्रहरीले उनलाई पून प्रक्राउ गरेको हो ।

त्यसवेलाको मुद्दामा तामाङ लाई ६ वर्षे कैद सुनाईएको थियो । त्यसवेला फरार रहेका उनलाई अहिले प्रहरीले अदालती फैसल्ला कार्यान्वयन गराउन पुन प्रक्राउ गरेको जनाएको छ ।

त्यसो त उनी विरुद्द नुवाकोट वाहिरका थप २ र नुवाकोट दुप्चेश्वर १ घयाडफेदीकै एक महिलाले कारवाहीको माग गदै पून केन्द्य्रीय अनुसन्धान ब्यूरोमा उजुरी दर्ता गराएका छन् । उनीविरुद्ध यस अगाडी नुवाकोट दुप्चेश्वर गाउँपालिका–१ का तीनजना पीडित महिलाले सिआइबीमा जाहेरी दिएका थिए ।

भरतका विभिन्न चार स्थानमा सुनवहादुर स्वंमले नै कोठी (यौनगृह) सञ्चालन गरेको तथ्य खुलेको प्रहरीको भनाई छ । ६ वर्ष अगाडीको मुद्दामा फरार रहेका उनलाई फैसल्ला कार्यान्वयनका क्रममा गरिएको यो प्रक्राउपछि सिविआईले आजै विहान १० वजेपछि जिल्ला अदालतमा लैजाने तयारी गरिरहेको छ ।
पहिलो मुद्दामा उनी आफै मुख्य प्रतिवादी थिए भने दोश्रोमा उनलाई साहायक प्रतिवादीको रुपमा मुद्धा दर्ता गराइएको थियो ।

उनको भारतको नयाँदिल्लीस्थित जेबी रोडको गल्ली नम्बर ६४, पुनास्थित सोना गार्छे–१५, कोलकाता र मुम्बई गरी चार ठाउँमा कोठी सञ्चालनमा छ । जेबीरोडस्थित कोठीमा ३५ जना, सोना गार्छेमा २७, कोलकातामा १५ र मुम्बईस्थित कोठीमा आठजना युवती अझै पनि वन्धक अवस्थामा यौन धन्दामा संग्लन्न गराईएको अवस्था छ ।

यसरी परयो थप मुद्दा

नेपाली काग्रेसका प्रभावशाली नेताको छत्रछायाँमा नेपाली महिलालाई भारतमा पुराउने र अवैध कोठी सञ्चालन गदै आएका सुनवहादुरका कारण धेरै महिलाहरु पीडित छन् । पीडित मध्येका पनि केही महिलाहरु अहिले विभिन्न समाजिक संघ, सस्थाको उद्दारपछि नेपाल आईसकेका छन् । उनीहरुले उनको विरुद्धउजुरी दर्ता गराउने क्रम अहिले चलिरहेको छ ।

अहिले पनि सिआइविमा उनीविरुद्ध दुई थान मुद्दा थप नयाँ परेका छन् । पछिल्लो मुद्दा उनलाई आफनै गाउँकी एक महिलाले दर्ता गराएकी छिन् । सन् २००५ मा ११ वर्षको उमेर छदा आफुलाई ललाईफकाई वम्वैको कोठीमा पुराईएको भन्दै सुनवहादुर विरुद्ध उनले हदैसम्मको कारवाहीको माग गदै सिआईविमा मुद्दा दर्ता गराएकीछिन् ।

नाम गोप्य राखिएकी ति महिलाले दर्ता गराएको उजुरीमा सानै उमेरमा आफनी आमाको निधन भएको र त्यसपछि वावुले सौतेनी आमा ल्याएर हेल ागर्न थालेपछि नातामा मामा पर्नेले काम खोजी दिने भन्दै आफुलाई काकडभित्ता लगेको र त्यहावाट भने सुनवहादुरले लिएर कोठीमा लगेर वेचेको उल्लेख छ ।
उनले दर्ता गराएको उजुरीमा उक्त कोठीमा सुनवहादुरकै समेत पार्टनरसिपमा चलेको अभियोग पनि लगाईएको छ । उनले आफुलाई वेचेपछि ६ महिनासम्म सेल्टरमा राखेर केमिकल राखिएको औषधी सेवन गर्न लगाई जर्वजस्ती यौनकर्ममा संग्लन्न गराएको उल्लेख गरेकी छिन् ।

सिआईविले भर्खरै दर्ता हुन आएको यो मुद्दाको फाइल खोलेको छैन । सुनवहादुर विरुद्ध पूरानै अभियोगका मुद्दामै कारवाही प्रक्रिया चलिरहेकोले नया मुद्दा चलाईनसकेको प्रहरी स्रोतको भनाई छ । पछिल्लो पटक मुद्दा दर्ता गराएकी उनकै गाउकी ति महिलाले आफुलाई वेचेको थाहा पाएपछि पटक पटक कोठीवाट भाग्ने प्रयास गर्दा पनि १० वर्षसम्म भाग्न नसकेको र पछि एउटा समाजिक सस्थाले उद्दार गरेपछि आफु नेपाल आएको उल्लेख गरेकी छिन् ।

त्यसपछि सुनवहादुरलाई कारवाहीको माग गदै उजुरी दर्ता गराउन खोज्दा पनि उनैले मार्ने, काटने सम्मको धम्की दिएका कारण सम्भव हुन नसकेपनि अहिले भने हिम्मत वटुलेर उजुरी दिएको वताएकी छिन् ।

तर पनि फेरि उनलाई उजुरी फिर्ता लिन र दोषी लाई उम्काउन अनेक प्रपन्च भईरहेको छ । प्रहरी सा्रेत भन्छ, उजुरी दिन आएकी प्रँय पीडित महिला दिदीवहिनीहरु डराएका देखिन्छन्, उनीहरुलाई सुनवहादुरले मुद्दा दर्ता गराए ठिक नहुने भन्द्रै धम्की दिईरहेको पाईएको छ ।

राजनीतिक संरक्षणका आधारमा आफु जेलमुक्त हुने र त्यसपछि देखाईदिने भन्दै पिडितहरुलाई उजुरी फिर्ता लिन सुनवहादुरले धम्काईरहेको त्थय पनि पाईरहेका छौं, अनुसन्धानमा संग्लन्न सिआइृविका एक प्रहरीले वताए । सिआइविमा समेत सुनवहादुरको केसलाई लिएर पछिल्लो पटक राजनीतिक दवाव धेरै नै आएको प्रहरी स्रोतले वताएको छ ।