काठमाडाैं । चालु आर्थिक वर्ष २०८१/८२ को चैत मसान्तसम्म नेपालबाट भारततर्फ २ अर्ब १९ करोड ३५ लाख रुपैयाँ बराबरको सिमेन्ट तथा क्लिङ्कर निर्यात भएको छ। भन्सार विभागका अनुसार यो अवधिमा १२ लाख ३६ हजार ४३६ मेट्रिक टन सिमेन्ट निर्यात भएको हो।

जसमा १ अर्ब ५५ करोड १४ लाख रुपैयाँ बराबरको ७ लाख ५५ हजार ६४३ मेट्रिक टन सिमेन्ट र ६४ करोड २० लाख रुपैयाँ बराबरको क्लिङ्कर निर्यात भएको छ। फागुन मसान्तसम्म १ अर्ब ९४ करोड ९६ लाख रुपैयाँ बराबरको सिमेन्ट निर्यात भएको थियो, जसमा १ अर्ब ३३ करोड ३३ लाख रुपैयाँको ७ लाख २४ हजार ५३० मेट्रिक टन सिमेन्ट र ६१ करोड ६३ लाख रुपैयाँ बराबरको ४ लाख ७६ हजार ४५२ मेट्रिक टन क्लिङ्कर समावेश थियो।

चैत महिनामा मात्रै २४ करोड ३८ लाख रुपैयाँ बराबरको ३५ हजार ४५५ मेट्रिक टन सिमेन्ट निर्यात भएको छ। यो तथ्याङ्कले नेपालको सिमेन्ट उद्योगको निर्यात क्षमतामा उल्लेख्य वृद्धि भएको देखाउँछ।