काठमाडौँ – काठमाडौँको बुढालिनकण्ठमा इटालीबाट फर्केकी एक महिलामा र्‍यापिड टेस्ट गर्दा कोरोना पोजेटिभ देखिएको छ।

३१ वर्षीय ती महिलालाई पिसिआर परीक्षणका लागि टेकु अस्पताल पठाइएको बुढानिलकण्ठ नगरपालिकाका मेयर उद्धवप्रसाद खरेललेले जानकारी दिए ।

मेयर खरेलका अनुसार ती महिला चैतको पहिलो साता इटालीबाट फर्केकी थिइन् ।

इटालीबाट फर्केपछि २१ दिन घरमै क्वारेन्टाइनमा बसेको र त्यसपछि कुनै लक्षण नदेखिएपछि सामाजिक गतिविधिमा पनि संलग्न भएको पाइएको मेयर खरेलले बताए ।

‘२१ दिन क्वारेन्टाइन बसेको तर त्यसपछि भने आफन्त र छिमेकीसँगको संसर्गमा रहेको पाइएको छ’, मेयर खरेलले भने, ‘पिसिआरमा पनि पोजेटिभ पाइएपछि टोल सिल गरेर थप सतर्कता अपनाउने तयारी गरेका छौँ ।’