काठमाडौं । तारकेश्वर हिसानको आयोजनामा हुन लागेको प्रथम फुटसल प्रतियोगिताको सम्पूर्ण तयारी पूरा भएको छ ।
यही भाद्र भाद्र २२ र २३ गते अर्थात भोलि र पर्सि आयोजना हुने फुटसल कार्यक्रममा तारकेश्वर नगरपालिका अन्तरगत प्लस टु कार्यक्रम चलाइरहेका ८ ओटा विद्यालयहरु सहभागि हुनेछन् ।
फुट्सल कार्यक्रम हिसान तारकेश्वरको आयोजनामा सञ्चालन हुनेछ भने उक्त कार्यक्रमको संयोजन प्रारम्भ वल्र्ड स्कुलले गरेको छ ।
तारकेश्वर हिसानले आज आयोजना गरिएको पत्रकार भेटघाट कार्यक्रममा सबैगरी १९ टिमहरु सहभागि हुने जनाएको छ । जसमध्ये छात्र तर्फ १३ र छात्रा तर्फ ६ टिमको सहभागिता रहनेछ ।
फुटसलमा सहभागि हुने विद्यालयहरुमा प्रारम्भ वल्र्ड स्कुल÷ कलेज, एन्जल हर्ट स्कुल÷ कलेज, सेक्रेड हार्ट कलेज, हिम रश्मी हाई स्कुल-कलेज, ल्याण्डमार्क एकेडेमी, लालिगुराँस नेशनल एकेडेमी, कौशल इङ्गलिस स्कुल÷कलेज र सृजना ज्ञानसागर स्कुल÷कलेज रहेका छन् ।
फुटसल आयोजनाको उद्धेश्यबारे बताउँदै तारकेश्वर हिसानका अध्यक्ष लिल बहादुर पुनले पहिलो संस्करणको रुपमा अन्तरविद्यालय स्तरीय फुटसल आयोजना गरिएको बताउनुभयो । विद्यार्थीहरुको चौतर्फी क्षमता विकासमा यस प्रतियोगिताले महत्वपूर्ण भूमिका निर्वाह गर्ने समेत उहाँले बताउनुभएको थियो ।
यसैगरी हिसान तारकेश्वरका सचिव एवं प्रारम्भ वल्र्ड स्कुलका प्रिन्सिपल कमल प्रसाद ज्ञवालीले फुटसल कार्यक्रमले आपसी भाइचारा बढाउने र प्रतिष्पर्धात्मक तवरले काममा अघी बढ्न सहयोग पु¥याउने बताउनुभयो । साथै पहिलो संस्करणको फुट्सलको संयोजनकारी भूमिका आफूहरुले निर्वाह गर्न पाएकोमा कृतज्ञता व्यक्त गर्दै खेललाई सभ्य, भव्य र ऐतिहासिक बनाउन आफूहरु पूर्ण रुपमा समर्पित रहने समेत जानकारी गराउनुभयो ।
