राष्ट्रिय युवा संघको नवौं राष्ट्रिय महाधिवेशस्थलबाट गुन्डा नाइके चक्रे मिलन (मिलन गुरुङ)को सहयोगी हतियारसहित पक्राउ परेका छन् ।

महाधिवेशनस्थलमा गुन्डा नाइके चक्रेमिलनको बडिगार्डको रूपमा हतियारसहित प्रवेश गरेपछि बाँकेको चिसापानीका गणेशबहादुर बोगटीलाई पक्राउ गरिएको बाँकेका प्रहरी प्रमुख एसपी सन्तोषसिंह राठोरले जानकारी दिए ।

प्रहरीले बोगटीको साथबाट प्वाइन्ट टु टु हतियार समेत बरामद गरिएको छ ।

सामाजिक सञ्जाल (टिकटक)मा बोगटीले ‘पोइन्ट टुटु’ हतियार बोकेर हिँडेको भिडियो पोस्ट गरेका थिए । बोगटी नेपालगन्जकै स्थानीय हुन् । नेकपा एमालेको युवा सङ्गठन राष्ट्रिय युवा सङ्घको महाधिवेशनमा भाग लिन गएका चक्रे मिलनसँग बन्दुक बोकेर हिँडेको भिडियो बोगटीले पोस्ट गरेका थिए ।