क्यानडामा प्रहरीको पोसाक लगाएका एक व्यक्तिद्वारा नोभा स्कोटिया प्रान्तमा अन्धाधुन्ध गोली चलाउँदा महिला पुलिस अधिकारीसहित कम्तीमा १३ जनाको मृत्यु भएको क्यानडाको प्रहरीलाई उद्धृत गर्दै बीबीसीले बताएको छ ।

बन्दुकधारीले प्रहरीले प्रयोग गर्ने कारमा सवार भएर नोभा स्कोटियाका विभिन्न क्षेत्रमा अन्धाधुन्ध गोली चलाएको बीबीसीले बताएको छ । तसर्थ मृतकको अन्तिम संख्या अझैसम्म प्राप्त नभएको प्रहरीले बताएको छ ।

आक्रमणकारीको पहिचान ५१ वर्षीय ग्याबरिएल बोर्टम्यानको रुपमा भएको छ । आइतबार उनलाई हिरासतमा लिइएको रोयल क्यानडियन माउन्टेन प्रहरीले जानकारी दिएका छन् । प्रहरीका अनुसार उक्त व्यक्तिले प्रहरीको पोशाक लगाएको र प्रहरीको सवारी साधन प्रयोग गरेको जनाएका छन् । तर उक्त व्यक्ति आरसीएमपी (रोयल क्यानाडिएन माउन्टेड प्रहरी) द्वारा भर्ना गरिएको हैन भनी प्रहरीले जानकारी दिएका छन् ।