बैशाख ७ एजेन्सी । विश्वभर महामारीको रुपमा फैलिएको कोरोनाका कारण मृत्यु हुने र संक्रमित बढ्ने क्रम दिनहुँ बढ्ने क्रम जारी छ । यसै क्रममा पछिल्लो २४ घण्टामा यूरोप, अमेरीका, एशिया, ल्याटीन अमेरीका सहितका मुलुकमा ५ हजार बढी मानिसको मृत्यु भएको छ । यो अघिल्लो दिनको तुलनामा कमी हो ।

जोन हप्किन्स विश्वविद्यालयको पछिल्लो तथ्यांक अनुसार अहिले सम्म कुल मृतकको संख्या एक लाख ६० हजार नजिक पुगेको छ भने संक्रमितको संख्या २३ लाख १८ हजार भन्दा बढी भएको छ ।
कोरोनाबाट सबै भन्दा बढी मृत्यु हुनेको संख्या अमेरीकामा रहेको छ । यहाँ पनि अघिल्लो दुई दिनको तुलनामा एकै दिनमा कम मानिसको मृत्यु भएको छ । शनिबार एकै दिन अमेरीकामा १८ सय बढी ९१ मानिसको मृत्यु भएको छ । त्यहाँ कुल मृतकको संख्या मृतकको ३८ हजार ६ सय ६४ पुगेको छ भने संक्रमितको संख्या सात लाख ३२ हजार एक सय ९७ पुगेको छ ।

त्यस पछि धेरै मृत्यु हुनेमा ईटाली रहेको छ । त्याहाँ पछिल्ला दिनहरुमा मृत्यु संख्यामा भने केही कमी आएको छ । त्यहाँ २३ हजार २ सय बढीको मृत्यु भएको छ भने संक्रमितको संख्या एक लाख ७५ हजार नाघेको छ ।

त्यस पछि विश्वकै संक्रमणका हिशाबले अमेरीका पछि दोस्रो स्थानमा रहेको स्पेनमा मृत्यु हुनेको संख्या २० हजार नाघेको छ । त्यहाँ संक्रमितको संख्या एक लाख ९१ हजार पुगेको छ ।

त्यस पछि फ्रान्समा १९ हजार ३ सय ४५ जनाको मृत्यु भएको छ भने संक्रमितको संख्या एक लाख ५० हजार नजिक पुगेको छ ।

त्यसै गरी बेलायतमा मृतकको संख्या १५ हजार ४ सय ९८ जनाको मृत्यु भएको छ भने संक्रमितको संख्या एकै दिन ६ हजार बढेर एक लाख १५ हजार पार भएको छ ।

जर्मननीमा ४४ सय ५९ जनाको मृत्यु भएको छ भने एक लाख ४३ हजार ३ सय बढी संक्रमित छन् ।
ईरानमा मृतकको संख्या ५ हजार नाघेको छ भने संक्रमित ८० हजार नाघेको छ ।
यस्तै टर्कीमा संक्रमितको संख्या तीव्र वृद्धि भएर ८२ हजार ३ सय नाघेको छ भने मृतकको संख्या १९ सय नजिक पुगेको छ ।

बेल्जियममा मृतकको संख्या ५४ सय नाघेको छ भने संक्रमित ३७ हजार पार भएको छ ।
त्यस पछि ब्राजिलमा मृतकको संख्या २३ सय नाघेको छ भने संक्रमित ३६ हजार पुगेको छ ।
क्यानडामा मृतकको संख्या १४ सय पुगेको छ भने संक्रमित ३४ हजार ३ सय भन्दा बढी छ ।

नेदरल्याण्डमा ३६ सय बढीको मृत्यु भएको छ भने ३१ हजार बढी संक्रमित छन् ।
रुसमा संक्रमितको संख्या ३७ हजार नाघेको छ भने मृत्यु हुनेको संख्या ३ सय १८ पुगेको छ ।
स्वीजरल्याण्डमा १३ सय बढीको मृत्यु भएको छ भने २७ हजार बढी संक्रमित छन् ।
उता पोर्चुगलमा २० बढी संक्रमित छन् भने ६ सय ८७ जनाको मृत्यु भएको छ ।

यता भारतमा १५ हजार ७ सय २२ जना संक्रमित भएका छन् भने मृतकको संख्या ५ सय २१ पुगेको छ । भारतमा एकै दिनमा एक हजार भन्दा बढी संक्रमित भएका हुन् । यसै गरी पाकिस्तानमा संक्रमितको बृद्धि दरमा केही कमी आएको छ त्यहाँ संक्रमितको संख्या ७ हजार ९ सय पुगेको छ भने मृतकको संख्या एक सय ४८ रहेको छ ।