११बुँदे पोखरा घोषणापत्र जारी गर्दै सातै प्रदेशका मुख्य न्यायाधिवक्ताहरुको सम्मेलन सकिएको छ ।

शुक्रबार र शनिबार गरी दुई दिनसम्म चलेको सम्मेलनमा मुख्य न्यायाधिवक्ताको काम, कर्तव्य र अधिकारका साथै संवैधानिक व्यवस्था, संघीयताको प्रयोग लगायतका विषयमा छलफल भएको थियो । सम्मेलनले संविधानको धारा १६० को मुल मर्म र भावनाअनुसार प्रदेशका मुख्य न्यायाधिवक्ताको काम, कर्तवय र अधिकार पूर्ण स्वतन्त्र हुने निष्कर्ष निकालेको छ । प्रदेश सरकारको सहज र प्रभावकारी कार्य सञ्चालनका लागि आवश्यक संघीय कानुन घिटो बनाउन पनि संघीय सरकारको ध्यानाकर्षण गराएको छ । साथै प्रदेश सरकारको प्रभावकारी सञ्चालनका लागि शान्ति सुरक्षा र अभियोजनसम्बन्धी अधिकार महत्पूर्ण हुने भन्दै यसका लागि पहल गर्न आग्रह गरेको छ ।