काठमाडौं– ‘मोडलिङ जगतको सम्मान र नेपाली फेसनको प्रवद्र्धन’ गर्ने उदेश्यसहित राजधानीमा ‘इविजा फेसन नाइट २०१८’ आयोजना हुने भएको छ । ८ सेप्टेम्बर अर्थात भदौ २३ गते ‘इविजा लाउन्ज’ ठमेलमा आयोजना हुने फेसन नाइटमा १४ फिमेल र ४ मेल मोडलले र्याम्प नाप्नेछन् ।

पार्टीवेयर, वेडिङ लगायत थिममा ४ फेसन डिजाइनरले तयार गरेको बिभिन्न आधुनिक पहिरन मोडलले कोरियोग्राफर सृजना रेग्मीको कोरियोग्राफीमा र्याम्पमा प्रस्तुत गर्नेछन् । प्रवद्र्धन, व्यवस्थापन गर्दै फेसनबारे सर्वसाधारणलाई जानकारी दिने उदेश्य फेसन नाइटको रहेको आयोजक इविजा लाउन्ज प्रोपाइटर राजुु दनईले जानकारी दिए ।

इविजा फेसन नाइटमा सहभागी हुने मोडल छान्ने उदेश्यले मंगलबार राजधानीमा मोडल सेलेक्सन अडिसन समेत भएको थियो । मोडल अभिनेत्री सृजना रेग्मी, सुपर मोडल सविता कार्की, मोडल मनचिज शाक्य, नेक्स्ट मोडल नेपालका सिइयो रवि धमला लगायत छनौट अडिसनको निर्णायकमा रहेका थिए ।