फेसियल हाउसले गर्दै आएको अन्तरक्रिया कार्यक्रमलाई निरन्तरता दिने क्रममा ‘मिस डिभा नेपाल’ का प्रतियोगीहरुसँग बिहिबार अन्तरक्रिया अायाेजना गरिएको छ । उक्त कार्यक्रममा बोल्दै फेसियल हाउसकी प्रबन्ध निर्देशक तथा वरिष्ठ सौन्दर्यविद्  सुषमा महराले सौन्दर्यका विषयमा बिभिन्न टिप्सहरु दिनुभएको थियो ।

महराले  प्रतियोगीता भाग लिन चाहनेहरूकाे मनाेबल उच्च हुनुपर्ने कुरामा जाेड दिँदै प्रतियाेगितामा भाग लिईसकेपछि समाजले हेर्ने दृष्टिकोण फरक हुने बताउनुभयाे । साथै उहाँले  बाहिरी आवरण मात्रै नभई भित्रैदेखि सफा र निर्धक्क  हुनु जरूरी रहेकाे समेत बताउनुभएकाे छ । यसकाे उदाहरणकाे लागि नेपाल आईडियलका प्रतियोगिहरुलाई लिन सकिने उहाँको भनाई छ ।

छालाको प्रकृति अनुसारको मेकअप र सौन्दर्य प्रशाेधनको प्रयोगमा सजग हुनपर्नेमा सहभागीहरूको ध्यानाकर्षण समेत महराले गराउनुभएकाे छ ।

कार्यक्रममा मोडल हन्ट नेपालका फर्ष्ट रनरअप लक्की खड्कीले समेत आफ्नो भनाई राख्नुभएको थियो । त्यसैगरि ड्रेस डिजाईनर प्रेम डिओले फेसियल हाउस संगको सहकार्यमा बिभिन्न कार्यक्रम आयोजना गर्न लागेको समेत बताउनु भएकाे छ ।