भाटभटेनी सुपर मार्केट समेत उपभोक्ताको स्वास्थ्य प्रति सचेत रहेको पाइएको छैन । उपभोगको निम्ति अयोग्य भइसकेका सामानहरु समेत विक्री गर्दै आएको भाटभटेनीबाट स्वच्छ र ताजा वस्तुको अपेक्षा गर्न सकिने अवस्था छैन ।

अर्गानिक टमाटरको मूल्य घटाउनको निम्ति भाटभटेनी सुपरमार्केटले नयाँ जुक्ति लगाएको छ । सामान्य तरकारीको तुलनामा डबल मूल्य सम्ममा अर्गानिक तरकारी विक्री गर्न पाइने व्यवस्था छ । तर अर्गानिक खाद्यान्न तथा तरकारीको मूल्य घटाउनको निम्ति भाटभटेनीले खान अयोग्य भइसकेका तरकारीहरु सस्तोमा विक्री गरिरहेको छ ।

पहिले साधारण गोलभेंडा ५० रुपियाँमा विक्री हुँदा अर्गानिक गोलभेंडा १ किलोको १ सय रुपियाँमा बिक्री गर्दै आएका अर्गानिक फार्म हाउसका सञ्चालक संगम शेर्पा भाटभटेनीले साधारण गोलभेंडाको मूल्य घटेसँगै आफ्नो अर्गानिक गोलभेंडाको गुणस्तर त्यही राखेर नै मूल्य घटाउन बाध्य भए, मूल्य ५० रुपियाँमा झारियो । यसबाट मूनाफा लिन सक्ने अवस्था रहेन । भाटभटेनीमा अर्गानिक फार्म हाउसका उत्पादनहरु विगत ३ बर्ष देखि विक्री हुँदै आएका छन् ।

किसानहरुले विषादी प्रयोग गरेर नै उत्पादन गरेका तरकारीहरुलाई बजारमा नन् पेष्टिसाइड भनेर विक्री गरिएको छ ।
ड्ड भाटभटेनीमा बिग्रन लागेको काउलीलाई एकातिर कालो भइसके पश्चात् पनि कालोलाई हटाएर अर्को तर्फको ताजा देखिने भागबाट प्याकेजिङ गरेर उपभोक्तालाइ विक्री गर्ने काम भइरहेको समेत पाइन्छ ।