हिजाे असार ५ गते ग्रील तथा स्टील ब्यवसायी महासंघ नेपाल र स्विस सरकार sdc द्वारा संचालित इन्स्योर परियोजनासँगको सहकार्यमा विश्वब्यापी रुपमा फैलिको कोरोना भाइरस (कोभिड 19 ) संक्रमणको प्रकोपका कारण बन्द सम्पुर्ण ग्रील उध्योगहरु पुनः सन्चालन गर्दा के-कस्ता सुरक्षाका विधिहरु अपनाउने भन्ने सम्बन्धमा छलफल भएकाे छ ।
श्रमिकहरुलाइ डर , भय र त्रासमुक्त बनाइ कोरोनाको सन्क्रमणबाट सुरक्षित कसरी बनाउने र उद्याेगलाइ निरन्तरता दिने भन्नेबारे उक्त छलफल भएकाे हाे ।
छलफल पछि देशब्यापी रुपमा सचेतना कार्यक्रम सन्चालन गर्ने समझदारी अनुसार पहिलो चरणमा काठमाडौं उपत्यकामा ३ वटा, रुपन्देही जिल्लामा १ र सुनसरि जिल्लामा १ गरि ५ वटा ग्रील उध्योगलाइ सुरक्षित र ब्यवस्थित कार्यस्थल सहितको नमुना ग्रील उध्योगको रुपमा बिकसित गर्ने योजना अघी सारिएकाे छ ।
उक्त कार्यक्रममा कोभिड १९ बाट सुरक्षित कार्यस्थलको तयारी र सन्चालनको न्युनतम मापदण्ड सहित आवस्यक प्रविधि, पेडल हेण्डवास, पेडल सेनिटाइजर स्टाण्ड, हेलमेट, पन्जा, थर्मलगन लगायतका सुरक्षाका उपकरणहरुको प्रयोग गर्ने र आगामी दिनहरुमा उध्योगी कामदार र उपभोक्ताले अपनाउनुपर्ने अनुशासनको बारेमा ग्रील तथा स्टील ब्यवसायी नेपालका अध्यक्ष मोहन कटुवालले जानकारी गराउनु भएको थियो ।
अध्यक्ष कटुवालले सानो प्रयासले देशभरिका ग्रील उध्योगिहरुलाइ आफ्नो उध्योग ब्यवस्थित र सुरक्षित बनाएर हाल कार्यरत श्रमिकहरुलाइ र विदेशबाट रोजगारी गुमाएर स्वदेश फर्किएका युवाहरुलाइ नेपालको ग्रील तथा स्टील उध्योगमा काम गर्न सुरक्षित वातावरण तयार हुन सक्नेमा आफु विश्वस्त रहेकाे समेत बताउनुभयाे ।
साथै यस विषम परिस्थितिमा सबैले ग्रील उध्योगी कर्माचारी र सर्वसाधारण जनताले भौतिक दुरि कायम लगायतका सुरक्षाका बिधिहरु अपनाएर बढदो कोरोनाको संक्रमणबाट बच्न र अरुलाइ बचाउनुपर्नेमा समेत उहाँले आग्रह गर्नुभएकाे थियाे ।
उक्त सचेतना कार्यक्रममा सहभागि इन्स्योर परियोजनाका प्रतिनिधिले ग्रील उध्योग र श्रमिकको प्रबर्द्धन र जनसरोकारको विषयमा ग्रील महासंघ नेपालसँग सदैव सहकार्य गर्दै अगाडि बढ्न परियोजना तयार रहेको बताउनुभएको थियो।
