मैले घुँडा टेकें भने
समयलेले थुक्छ होला ?
लजाएर त्यसै त्यसै
हिमालय झुक्छ होला ?
भुलिदेऊ भन्छौ तिमी
पुराना ती दिनहरू !
मुहान नै थुनेपछि
नदी पनि सुक्छ होला ?
इतिहास हटाएर
के मा वाँच्छ वर्तमान ?
त्यस्तो हटाउन मिले
याद किन दुख्छ होला ?
सिक्ने इतिहासमा हो
सोच्ने वर्तमानमा हो !
नत्र भविष्यको यात्रा
यहीं ठप्प रुक्छ होला ?
केही मान्छे देखेपछि
यस्तो सोच्छ बलराम ।
कुकुर त भुक्यो वरा
मान्छे किन भुक्छ होला ?
© 2026 All right reserved to सेताेघर मिडिया नेटवर्क प्रा लि | Site By : Sobij
