नेपाल जुत्ताचप्पल उद्योगी व्यवसायी संघको आयोजनामा काठमाडौंको भृकुटीमण्डपमा जुत्ता प्रदर्शनी तथा विक्री मेला शुरु भएको छ ।
नेपालीहरुको महान चाड विजयादशमी नजिकिँदै गएको परिप्रेक्ष्यलाई ध्यानमा राखी मेला आयोजना गरिएको हो ।

मेलामा नेपालमा नै जुत्ताचप्पल उत्पादन गर्दै आएका विभिन्न कम्पनीहरुको संलग्नता छ । मेलामा विशेष छुटमा जुत्ताचप्पल पाउन सकिनेछ ।
हाल मेलामा संलग्न कम्पनीहरुमा स्मार्ट शुज, भेनस शुज, पारागन शुज, केटीएम शुज लगायतका कम्पनीहरुको छन् ।

नेपाली जुत्ता उद्योगको प्रवद्र्धन गर्न र आयातलाई विस्थापन गर्नुको साथै सहुलियतमा उपभोक्तालाई जुत्ता उपलब्ध गराउन सकिने मान्यताको साथ मेला आयोजना गरिएको हो ।