काठमाडौं । नेपाल भ्यालुयर्स एसोसिएसनको अध्यक्षमा ई. सञ्जय कुमार महतो निर्वाचित भएका छन् ।
काठमाडौंमा शुक्रबार आयोजना गरिएको एसोसिएसनको छैठौं अधिवेशनमा उनी निर्वाचित भएका हुन् ।
ई. सञ्जय कुमार महतो र ई. मुक्ति पाण्डे बीच अध्यक्ष पदको प्रत्याशी रहेकोमा ई. सञ्जय कुमार महतोका प्रत्याशी ई. मुक्ति पाण्डे वरिष्ठ उपाध्यक्ष बनेका छन् ।
नेपाल भ्यालुयर्स एशोसिएसन धितो मूल्यांकन क्षेत्रमा संलग्न इन्जिनियरहरुको छाता संगठन हो । यस संस्थालाई ई. ऋषि कोइरालाले यस अघि ३ कार्यकाल सफलतापूर्वक नेतृत्व गरेका थिए ।
शुक्रबार सम्पन्न अधिवेशन कार्यक्रममा संस्थाको आयव्यय सहितको कोषाध्यक्ष प्रतिवेदन, लेखापरीक्षण प्रतिवेदन, प्रगति विवरण सहितको अध्यक्षको प्रतिवेदन, संस्थाका कार्यदिशा सहितको महासचिवको प्रतिवेदन प्रस्तुत हुनुको अलावा विधान संशोधन र निर्वाचन लगायतका गतिविधिहरु सम्पन्न गरिएको थियो ।
नयाँ कार्यसमितिमा अध्यक्षमा ई. सञ्जय महतो, वरिष्ठ उपाध्यक्षमा ई.मुक्ति पाण्डे, उपाध्यक्षहरुमा ई.दिनेश कुमार पाठक, ई. विकास वाग्ले, ई.मनिष कर्ण, ई.यमलाल पाण्डे, ई.प्रज्ञान घिमिरे रहेका छन् । महासचिवको भूमिका ई. अशोक सिलवालले प्राप्त गरेका छन् भने सचिवमा ई.रविन्द्र अधिकारी र कोषाध्यक्षको भूमिका ई.सन्देश शर्माले प्राप्त गरेका छन् ।
सदस्यहरुमा ई.हिरण्य खड्का, ई.सरोज श्रेष्ठ, ई.सचिन भट्टराई, ई.आश्मा पोखरेल लगायत रहेका छन् ।
नवनिर्वाचित अध्यक्ष ई. सञ्जय महतोले आफू संस्थाको हित र धितो मूल्यांकन क्षेत्रको विकासको लागि निरन्तर समर्पित भईरहने प्रतिबद्धता व्यक्त गर्दै संस्थाको भवन निर्माण आफ्नो मुख्य प्राथमिकताको विषय रहने समेत बताएका छन् ।
© 2026 All right reserved to सेताेघर मिडिया नेटवर्क प्रा लि | Site By : Sobij