२०४६ को आन्दोलन पश्चात् नेपाली काङ्ग्रेस धर्मस्थली गठन भएको र संस्थापकको रुपमा संस्थापकको रुपमा नेपाली काङ्ग्रेसको वैचारिक राजनीतिमा गाँसिएका व्यक्ति हुन् विष्णुभक्त तिमिल्सिना ।

वि.सं २०५४ र २०५७ मा गरी २ कार्यकाल नेपाली काङ्ग्रेस धर्मस्थलीका सचिव भएका तिमिल्सिना पार्टीका एक इमान्दार पात्र हुन् । उनी २०६७ मा नेपाली काङ्ग्रेस धर्मस्थलीको सभापति भए । साथै पार्टीको तर्फबाट सर्वदलीय प्रतिनिधि समेत भए ।

२०७१ को मंसिरमा तारकेश्वर नगरपालिका स्थापना भएसँगै उनी नगरपालिकाको सर्वदलीय प्रतिनिधि समेत बन्न सफल भए । पार्टीको १३ औं महाधिवेसनबाट हाल सम्म पार्टीको संगठन विभाग प्रमुख बन्न सफल विष्णुभक्त तिमिल्सिना काठमाडौं क्षेत्र नम्बर ६ (ख)बाट चुनावी मैदानमा रहँदा आफूले स्थानीयको विकासको निम्ति प्रयाप्त काम गरेको, स्थानीयहरु बीच परिचित र निरन्तर सङ्घर्षशिल रहेको कारण आफ्नो विजयी हुने आधारहरु रहेको दावी गर्छन् ।

पारिवारिक प्रतिकुलताबीच राजनीतिः

जहिले पनि नेपाली जनताहरुको निम्ति नै काम गर्ने प्रण समेत गरेका तिमिल्सिना आफ्नो प्रतिकुल घरायसी वातावरण बीच पनि आफ्नो राजनीतिक गतिविधिलाई अघी बढाएका विष्णुभक्त तिमिल्सिना सङ्घर्षशिल व्यक्ति हुन् । नेपाली काङ्ग्रेसबाट हाल काठमाडौं क्षेत्र नम्बर ६ (ख)बाट प्रदेशसभाको चुनावी प्रतिष्पर्धामा रहेका विष्णुभक्त तिमिल्सिना २०३१ सालमा धर्मस्थलीमा जन्मेका हुन् । १ छोरा र २ छोरीका पिता रहेका तिमिल्सिनाकी श्रीमती गीता तिमिल्सिनाको भने लामो समय देखि मष्तिष्कघातको कारण स्वास्थ्य अवस्था नाजुक छ ।