अर्जुन अधिकारी, अध्यक्ष, हाेक्काइदाे नेपाल बिजनेश ग्रुप

काठमाडौं । होक्काइडो नेपाल बिजनेस ग्रुप (एचएनबिजि) नेपालमा जापानिज फुड कल्चर भित्र्याउने अग्रणी संस्था हो । यो १७ वर्षसम्म जापानमा रही व्यावसायिक जिबन बिताएर नेपालमा केही गर्छु भन्ने भावनाले फर्किएका अर्जुन अधिकारी सहितको समूहले सञ्चालन गरेको व्यावसायिक समूह हो ।
सन २०१९ देखि नेपालको रेस्टुरेन्ट क्षेत्रमा जापानिज फुड कल्चरलाई प्रवेश गराएका अधिकारी नेतृत्वमा काठमाडौँको बुढानीलकण्ठमा रहेको पार्क भिलेज होटेल हातामा होक्काइडो रामेन हाउस रेस्टुरेन्ट सञ्चालनमा छ । पहिलो प्रयासको रूपमा सुरु गरिएको होक्काइडो रामेन हाउसप्रति आम उपभोक्ताको आकर्षणका कारण यो समूह अन्तर्गत काठमाडौंका विभिन्न ६ स्थानमा जापानिज रेस्टुरेन्ट सञ्चालनमा छन् । साथै उपत्यकाको दुई स्थानमा (क्यूएक्स) सञ्चालनमा छ ।

होक्काइडोका शाखाहरू देक्काइडो फार्म हाउस (बुढानीलकण्ठ), ओमाकासे (नक्साल), इजाकाया होक्काइडो (¥याडिसन होटेल, लाजिम्पाट), होक्काइडो हाउस (सानेपा) र होक्काइडो बेन्तो हाउस (बौद्ध) रहेका छन् ।

क्यूएक्सको रुपमा सञ्चालन भएका शाखाहरु लबिम मल (पूल्चोक) र ली शेर्पा काठमाडौं हुन् । यसको अलवा रेस्टुरेन्टलाई आवश्यक पर्ने कच्चा पदार्थ उत्पादन गर्ने हेतुले रुपन्देहीको भैरहवामा देक्काइदो एग्रो फार्म समेत सञ्चालनमा छ ।

काठमाडौंको बुढानिलकण्ठमा रहेको सेन्ट्रल किचेनले समूह अन्र्तगत सञ्चालित सबै शाखाहरुलाई आवश्यक खाद्यान्नको उत्पादन गर्दै आएको छ । जसले खाद्य गुणस्तरलाई एकरुपता दिन सहयोग पुगेको छ ।

जापानिज फुड कल्चरको प्रवर्द्धन गर्दै रेस्टुरेन्टहरू मार्फत जापानी खानाका पारखीको सेवामा समर्पित यो समूहमा १७० जना भन्दा बढीको टिमले काम गरिरहेको छ ।
जापानको होक्काइडोमा नेपाली फुड कल्चरलाई विस्तार गरेको अधिकारी नेतृत्वको समूह सोही प्रेरणाका कारण नेपालमा जापानको फुड कल्चर विस्तारमा लागेको हो । जापानमा आर्जन गरेको व्यवसायिक अनुभवलाई उपयोग गर्दै रेस्टुरेन्ट क्षेत्रमा लगानी र रोजगारी सृजनाको संकल्प बोकेका अर्जुन अधिकारी मुख्य गरी नेपालमा जापानी फुड कल्चर प्रवद्धनमा सक्रिय छन् ।

विदेशी भुमिमा श्रमसँगै आर्जन गरेको सीपलाई नेपालमा प्रयोग गर्दा उत्पादन र रोजगारीको क्षेत्रमा सहयोग पुग्ने धारणा बोकेका अधिकारीले जापानिज फुड कल्चरलाई देशैभर विस्तारको योजना बनाएका छन् ।

पहिला उत्पादनलाई फोकस गर्छौ अनि गुणस्तरीय उत्पादनका लागि सफल प्रविधि र सीपसँगै लगानी भित्र्याउँछौं । यसले उद्यमी बन्न प्रेरित गर्छ र स्वदेशमा नै उत्पादन, उद्यमी र गुणस्तरीय सेवा प्रवाह हुन्छ ।  नेपालमा नै उत्पादन हुन थालेपछि उद्यमी जन्मन्छन, उद्यमीले सफल प्रविधि भित्र्याउन पहल गरेसँगै उत्पादनको गुणस्तर पनि बढ्छ जसले निर्यात प्रतिस्थापन र स्वदेशमा रोजगारीको अवसर सिर्जना हुन्छ । अनी मात्र देश समृद्ध हुन सक्छ ।

कम्तीमा एक सय उद्यमी जन्माउने सपना बोकेका अधिकारीले हालसम्म ७ जना सफल उद्यमीलाई यो क्षेत्रमा स्थापित गराएका छन् । सोही समूह मातहत सञ्चालनमा रहेको होक्काइडो एकेडेमी अफ हस्पिटालिटीले दक्ष जनशक्ति उत्पादन समेत गर्दै आएको छ ।

के हो त होक्काइडो नेपाल बिजनेस ग्रुपको उद्देश्य ?
जापानमा व्यावसायिक पृष्ठभूमिका व्यक्तिहरूको समूह होक्काइडो नेपाल बिजनेस  ग्रुप नेपालको समृद्धिसँग हातेमालो गर्ने उद्देश्य बोकेको संस्था हो । मुख्यगरी उत्पादन, उद्यमी र लगानीलाई आफ्नो प्राथमिकतामा राखेको यो समूहले आन्तरिक सशक्तीकरण मार्फत विदेशी लगानी भित्र्याउने वातावरण निर्माणको योजना बनाएको छ ।

देशको समृद्धिका लागि नागरिकलाई पहिला उत्पादनसँग जोड्नुपर्ने बताउने समुहका निर्देशक अधिकारी उत्पादनलाई गुणस्तरीय बनाउनका लागि विदेशी प्रविधि, लगानी र सीप भित्र्याउने गरी काम गर्ने बताउँछन् ।

उनी भन्छन्, ‘पहिला उत्पादनलाई फोकस गर्छौ अनि गुणस्तरीय उत्पादनका लागि सफल प्रविधि र सीपसँगै लगानी भित्र्याउँछौं । यसले उद्यमी बन्न प्रेरित गर्छ र स्वदेशमा नै उत्पादन, उद्यमी र गुणस्तरीय सेवा प्रवाह हुन्छ ।’ अधिकारी थप्छन्, ‘नेपालमा नै उत्पादन हुन थालेपछि उद्यमी जन्मन्छन, उद्यमीले सफल प्रविधि भित्र्याउन पहल गरेसँगै उत्पादनको गुणस्तर पनि बढ्छ जसले निर्यात प्रतिस्थापन र स्वदेशमा रोजगारीको अवसर सिर्जना हुन्छ । अनी मात्र देश समृद्ध हुन सक्छ ।’

उत्पादनसँग जोडिएपछि बिस्तारै गुणस्तरीय उत्पादनमा जोड दिने र त्यसलाई मौलिक पहिचानका साथ अन्तर्राष्ट्रियकरण गरिनुपर्ने धारणाका साथ आफूहरू अगाडी बढेको अधिकारी बताउँछन् । उत्पादन र उपभोगलाई प्रतिस्पर्धी बनाउनका लागि विदेशको सफल प्रविधि र सीप भित्रयाउनुपर्ने अधिकारीको मत छ ।

नेपालमा जापनिज फुड कल्चर किन ?
विकासोन्मुख देश नेपालको अर्थतन्त्र चलायमान बनाउने महत्वपूर्ण सूचकको रूपमा होटेल तथा रेस्टुरेन्ट व्यवसाय पनि रहने गर्दछ । संसारभरि स्वस्थ खानाको रूपमा पहिचान बनाएको जापानी खानाको विस्तारले होटेल तथा रेस्टुरेन्ट क्षेत्रको विकासमा टेवा पुग्ने उद्देश्यले यसलाई नेपालमा भित्र्याइएको हो । स्वदेशी तथा विदेशी पाहुनाको रोजाइमा पर्ने जापानी खानाको परिकारलाई स्थापित गराउन होक्काइदोले काम गरिरहेको छ । नेपालमा जापनिज फुड कल्चरलाई दिगो रूपमा स्थापित गराउन काम गरिरहेको यो समूहले लगानी र रोजगारीको समान अवसर सृजना गर्दै आएको छ । नेपालको पर्यटन प्रवद्धनमा पनि जापनिज फुड कल्चरले महत्त्वपूर्ण भूमिका निर्वाह गर्दछ ।

इजाकाया होक्काइडो किन ?
यो समूहले काठमाडौँको ¥याडिसन होटेल परिसरमा सञ्चालनमा ल्याएको इजाकाया होक्काइडो जापनिज फुड कल्चरको प्रवद्धनमा काम गरिरहेको रेस्टुरेन्ट हो । राजधानीको केन्द्र लाजिम्पाटमा रहेको इजाकाया होक्काइडोले जापनिज फुड पारखीका लागि ५० बढी परिकार पस्कँदै आएको छ । स्वदेशी तथा विदेशी पाहुनाका लागि उच्च गुणस्तरका परिकार पस्कँदै आएको इजाकायामा शाकाहारी र मांसाहारी छुट्टाछुट्टै मेनुको व्यवस्था छ ।
जापानको फुड कल्चरलाई नेपाली परिवेशमा ढाल्दै आएको इजाकायाले उपभोक्ताको स्वास्थ्यलाई पहिलो प्राथमिकतामा राख्दै स्वच्छ र ताजा खाना उपलब्ध गराउँछ । सम्भव भएसम्म स्थानीय उत्पादनको प्रयोगलाई प्रोत्साहनको नीति लिएको यो रेस्टुरेन्टले दक्ष जनशक्तिको साथ आफ्नो सेवा प्रवाह गरिरहेको छ ।

मद्यपान, धुम्रपानका लागि छुट्टै कक्षको व्यवस्था गरिएको इजाकायामा पारिवारिक, प्रेमिल तथा गोप्य सिटको व्यवस्था छ । नेपाली र जापानी चाडपर्वहरूमा इजाकायाले विशेष कार्यक्रमको साथ आफ्ना उपभोक्ताका लागि आकर्षक प्याकेज ल्याउँदै आएको छ ।

७० जना अट्ने हलको व्यवस्था रहेको इजाकायामा सभा, समारोह तथा अन्य कार्यक्रमका लागि माग बमोजिमका सेवा उपलब्ध छन् ।
साताको सबै दिन खुला रहने इजाकाया आइतबारदेखि शुक्रबारसम्म बिहान ११ देखि बेलुका १० र शनिवार अपराह्न १२ बजेदेखि बेलुका १० बजेसम्म खुला रहन्छ । इजाकायाले हाल आफ्ना सबै सेवाहरूमा १५ प्रतिशत छुट उपलब्ध गराउँदै आएको छ ।