काठमाडाैं । युवाकवि, गीतकार एवं पत्रकार सनत गिरी ‘गाउँले’द्वारा लिखित कविता संग्रह ‘आशु कहिल्यै रित्तिदैन’को विमोचन गरिएको छ ।

नेपाल प्रज्ञा प्रतिष्ठानका पूर्वउपकुलपति विष्णुविभु घिमिरेले उक्त कविता संग्रहको बिमोचन गर्नु भएको हो ।

साथै सोही कार्यक्रमका आयोजक संस्था राष्ट्रिय यात्रा सप्ताहिकद्वारा स्थापित राष्ट्रिय यात्रा विशेष पत्रकारिता पुरस्कार २०८३ द्वारा बरिष्ठ पत्रकार ताराचन्द्र देवकोटालाई सम्मानित गरिएको छ ।

उक्त पुरस्कारको राशि ५ हजार रुपैयाँ रहेकाे छ । उनलाइ  प्रमाणपत्र सहित सम्मान गरिएको थियो ।

देवकोटालाई नेपाल प्रज्ञा प्रतिष्ठानका पूर्वउपकुलपति घिमिरेले पुरस्कार अर्पण गर्नु भएको थियो ।

सोही कार्यक्रमबीच सेताेघर डट कम तथा ज्ञानसन्देश द्वैमासिकका सम्पादक कमल पन्थी सहित विभिन्न व्यक्तित्वहरुलाई राष्ट्रिय यात्रा सम्मान प्रदान गरिएको थियो ।

कार्यक्रममा नेपाल प्रज्ञा प्रष्ठिानका पूर्वउपकुलपति बिष्णुविभु घिमिरेले सम्मानित विभिन्न व्यक्तिहरुलाई सम्मानपत्र प्रदान गर्नु भएको थियो ।

सम्मानित हुने अन्य पात्रहरुमा देब ग्रुप प्रा.लि.का प्रमुख कार्यकारी अधिकृत नविन सिलवाल, वरिष्ठ अधिवक्ता चन्द्र काफ्ले, वरिष्ठ समाजसेवी तथा राजनीतिज्ञ गोकर्णराज सिटौला, समाजसेवी तथा राजनीतिज्ञ राजकुमार जोशी, रेडियो मिरमिरे ८९.४ मेगाहर्ज, नेपाल नेश्नल पार्किट एण्ड डेकोरेटर्सका प्रबन्ध निर्देशक नबराज धमला, वरिष्ठ पत्रकार इश्वरी वाग्ले, नेपाल व्यापार संघका अध्यक्ष गिरिराज पोखरेल, वरिष्ठ पत्रकार किशोर शर्मा, पूर्ण मासिककी प्रधानसम्पादक सम्झना वन, वरिष्ठ साहित्यकार एवं लहरा त्रैमासिकका प्रधानसम्पादक राम सञ्जेल, साहित्यकार एवं समालोचक युवराज मैनाली, साहित्यकार तारा सुवेदी, मिडिया नेपाल प्रा.लि. का संचालक विनोद सापकोटा, राजनीतिज्ञ एवं समाजसेवी चेवनबहादुर तुम्बाहाङ लिम्बु, मिडिया ठाँटीका प्रमुख कार्यकारी अधिकृत दामोदर भट्ट, नागरिक अभियन्ता सुवर्ण थापा र युवा पत्रकार भेषराज पाण्डे रहनुभएको थियो ।

यो कार्यक्रमको विशेष अतिथि देव ग्रुप प्रा.लि. का अध्यक्ष नरेन्द्र बल्लभ पन्त रहनु भएको थियो ।

यस कार्यक्रममा राष्ट्रिय यात्रा साप्ताहिकका प्रमुख संवाददाता तिर्थराज गिरीले स्वागत मन्तव्य व्यक्त गर्नुभएको थियो ।

राष्ट्रिय यात्रा साप्ताहिकका प्रधान सम्पादक-प्रकाशक सनत गिरी ‘गाउँले’ को सभापतित्वमा भएको यस कार्यक्रमको भेषराज पाण्डेले सहजिकरण गर्नुभएको थियो ।