२०८३ असोज २ शुक्रबार

Sep 18 2026 Friday

logo
  • २०८३ असोज २ शुक्रबार

२०८३ असोज २ शुक्रबार

  • समाचार
  • राजनीति
  • अर्थ/व्यापार
  • विचार
  • अन्तर्वार्ता
  • स्वास्थ्य
  • विश्व
  • अन्य
  • English
    • २०८३ असोज २ शुक्रबार

    अल्ट्रा प्रविधिबाट पानी प्रशोधन: अबको आवश्यकता

    अल्ट्रा प्रविधिबाट पानी प्रशोधन: अबको आवश्यकता

    • Seto Ghar
    • बुधबार, असार ३ २०८३

    विजय लामा,  सञ्चालक, झरना प्योर ड्रिङिकङ वाटर

    विजय लामा लामो समय देखि पानी प्रशोधन कार्यमा संलग्न रहँदै आएका छन् । उनी झरना प्योर ड्रिङ्किङ वाटरका सञ्चालक हुन् । यसैगरी काठमाडौं पानी उद्योग संघका कार्यसमिति सदस्य रहेका लामा चाल्नाखेल (दक्षिणकाली) क्षेत्र अन्तरगतका पानी उद्योगीहरुको संयोजक पनि हुन् । काठमाडौं उपत्यकामा पानी उपलब्ध गराउनका लागि मुहानबाट उपलब्ध हुने पानीलाई प्रशोधन गरेर आफूले बजारमा पानीको आवश्यकता परिपुर्ति गर्दै आएको लामा बताउँछन् । लामा विगत १४ बर्ष देखि पानी प्रशोधन कार्यमा संलग्न रहँदै आएका छन् । उनलाई पानी प्रशोधन क्षेत्रमा संलग्न हुनका लागि उद्यमी गोकुल थापाको महत्वपूर्ण सहयोग रह्यो ।

    सरकारी निकायले बजारमा आवश्यक पर्ने पानीको परिपुर्ति गर्न सक्ने अवस्था तत्कालिन समयमा नदेखेर आफूहरु पानी प्रशोधन गर्ने कार्यमा संलग्न भएको उनी बताउँछन् ।

    प्रविधि
    सामान्यतया नेपालमा पानी प्रशोधनका लागि आरओ प्रविधि अवलम्बन गरिँदै आइएको छ । यस प्रविधिबाट गरिेने प्रशोधनमा ७ चरणहरु पूरा गरेर पानी प्रशोधन हुने गर्दछ । आरओ प्रविधिबाट पानी प्रशोधन गर्दा पानीमा भएका फोहोर पदार्थको साथसाथै मानवीय आवश्यकता अन्तरगतका खनिज पदार्थहरु पनि नष्ट हुने गर्दछन् ।

    अबको आवश्यकता
    अबका दिनमा नेपालमा पानीको खनिज पदार्थ जोगाउनका लागि अल्ट्रा जस्ता उच्चस्तरीय प्रविधि अवलम्बन गर्नुपर्ने जरुरी छ । अल्ट्रा प्रविधिबाट पानी प्रशोधन गर्दा पानीमा भएको खनिज पदार्थ नष्ट हुन पाउँदैन । आरओको तुलनामा अल्ट्रा प्रविधि उच्चस्तरीय प्रविधि हो । यद्यपि यस प्रविधिलाई अपनाउनका लागि उद्योगी व्यवसायीहरुलाई राज्यले थप सहजीकरण गर्नुपर्ने आवश्यकता छ । यस प्रविधिलाई अपनाउन सकेको खण्डमा उपभोक्ताको स्वास्थ्य बढी लाभदायक हुने गर्दछ ।
    अहिले पनि काठमाडौं उपत्यकामा थुप्रै पानी उद्योगीहरुले मुहान (स्प्रिङ) श्रोतको पानी प्रशोधन गर्दछन् । मुहानको पानीमा हाम्रो शरीरका लागि नभईनहुने थुप्रै खनिज पदार्थहरु पनि उपलब्ध हुन्छन् । तथापि आरओ प्रविधिबाट पानी प्रशोधन गर्दा ती कुनै पनि खनिज पदार्थलाई बचाउन सकिँदैन ।

    अल्ट्रा प्रविधि अपनाउनुपर्छ भन्ने सम्बन्धमा उद्योगी व्यवसायी बीच पटक–पटक छलफल भएपनि लगानी, बजार, अस्वस्थ प्रतिष्पर्धा लगायतका कारणले गर्दा यस प्रविधिमा स्तरोन्नति भने हुन नसकेको अवस्था छ ।
    आरओ, युपि र ओजोनको तुलनामा अल्ट्रा प्रविधिको लागि उद्योगीले नयाँ प्रविधि अवलम्बन गर्नुपर्छ । तथापि यस प्रविधिलाई लागु गर्नका लागि उद्योगीले आफ्नो प्रविधिलाई स्तरोन्नति गर्नुपर्ने हुन्छ । यस क्रममा लगानी पनि सँगसँगै आवश्यक पर्न जान्छ । साथै समय–समयमा निरीक्षण गरिरहनुपर्ने जरुरी हुन्छ । राम्रोसँग समयमा हेरविचार नगरेको खण्डमा र पानी लामो समय राखेको खण्डमा पानीमा लेउ लाग्न सक्ने हुन सक्छ ।

    प्रतिक्रिया दिनुहोस्
    थप समाचार

    संबैधानिक राजसंस्था र राष्ट्रिय बहससंबैधानिक राजसंस्था र राष्ट्रिय बहस राजकुमार जोशी यति बेला राष्ट्रिय राजनीति जनअपेक्षा अनुसारको देखिँदैन । जेनजीहरुले जुन आशा र भरोसा राखेर राजनीतिक परिवर्तन गरेका थिए । आज त्यस अनुसार काम कारवाही वर्तमान सत्ताधारीले गरे त ? अनि सत्ता बाहिरका दल पनि आपसी टकराबमा व्यस्त रहेको देखिन्छ । देश के को लागि जनताको लागि, जनता के को लागि देशको लागि । राजनीति के लागि विकास, शान्ति र समृद्धिको लागि जसरी जुन रुपमा भए पनि देशमा शान्ति हुनुपर्छ, विकास हुनुपर्छ, राष्ट्रिय स्थीरता हुनुपर्छ । जनताको लागि, देशको लागि गरिएको राजनीति कहिल्यै मेटिँदैन । यसै सेरोफेरोमा भोटेकोशी बाढीले हरेक क्षेत्रका जनतालाई आक्रान्त पारेको छ । रसुवा, नुवाकोट, धादिङमाबढी जनता प्रताडित भएको भएपनि देशैभरका जनतालाई बाढीले छोएको छ । जुन सुकै जिल्लाका जनता भए पनि बाढीबाट बगे, फसे, मृत्यु वरण हुनुप¥यो । बाढीले हजारौँ जनताको मृत्युवरण गरे । यसै क्रममा अझै पाँच हजार भन्दा बढी बेपत्ता अवस्थामै छन् । १३ हजार भन्दा बढीको सेना, प्रहरी र अन्य निकायबाट उद्दार गरेको अवस्था छ । जसरी भुकम्पबाट जनतालाई चोट पुगेको थियो । त्यो भन्दा बढी चोट भोटेकोशी बाढीले दियो । यसै मेसोमा बाढी प्रभावितको उद्दार, राहत र पूनस्थापनाका हरेक क्षेत्रबाट सहयोग गरिरहेको अवस्था छ । के व्यापारी, के राजनीतिज्ञ, के समाजसेवी हरेक क्षेत्रबाट सहयोग उपलब्ध हुनु हरेक कोणबाट जाहेज मान्नुपर्छ । यही सेरोफेरोमा हामीले राजतन्त्रको बहस भएको पाएका छौं । राजसंस्था जनताको मियो थियो, विकासको मियो थियो शान्तिको मियो थियो । अहिले देश शोकमा परेको बेला विशेषगरी राजसंस्थाको पुनःस्थापनाको बहसलाई केवल विगत फर्काउने चाहाना वा निरंकुश शासनको पूनरावृत्तिका रुपमा व्याख्या गरेर पन्छाउन सकिदैन । नेपालको इतिहासमा राजसंस्था राज्यको ऐतिहासिक निरन्तरता, राष्ट्रिय एकिकरण, सांस्कृतिक पहिचान र राष्ट्रिय स्वाधीनताको प्रतिकका रुपमा समेत जोडिने संस्था हो । जसले जुन रुपमा बुझे पनि राजसंस्था नेपाली जनजनको मन र मुटुमा रहेको संस्था हो । अहिले उठिरहेको प्रश्न निरंकुश राजतन्त्र पूनस्थापित गर्ने भन्दा पनि जनतामा सार्वभौमसत्ता निहित रहने गरी लोकतान्त्रिक र संवैधानिक सीमाभित्र एउटा गैरदलीय तथा साझा राष्ट्रिय संस्थाको आवश्यकता छ कि छैन भन्ने हो । अहिले पनि दुःखको बेला जनताले राजसंस्थाको स्मरण गर्नु हरेक हिसाबले स्वभाविक मानिएको छ । हामी राजसंस्थावादीहरु बाढीपीडितलाई राहत दिन, उद्धार गर्न र पूनस्थापनाको लागि एक ढिक्का भएर अघि बढ्नु पर्ने अवस्था छ । हामी कुनै पनि भागमा रहेका जनता रोएको हेर्न चाहादैनौं । दलहरु सरकार र प्रतिपक्षमा बदलिरहन्छन्, हामी भने देशको लागि जनताको सदा रहिरहने व्यवस्था चाहान्छौ, त्यो व्यवस्था भनेको राजसंस्था नै हो । त्यसो त नेपालमा ९० प्रतिशत भन्दा बढि हिन्दु छन, त्यहि हिन्दु धर्म हामी पूनस्थापना गर्न चाहान्छौ, राजसंस्था र धर्म एउटै पेरिफेरोमा रहेको छ । यी दुवैलाई हामी एकै पटक पूनस्थापना होस भन्ने चाहान्छौं, हिजोका दिनमा राजाबाट खासै ठुलो गल्ती भएको थिएन । जनताको घरदैलो गरेर राजा ज्ञानेन्द्रले जनमत बुझेकै हो । तर विभिन्न खाले देशि–विदेशी तत्वको उत्साहटबाट नेपालमा राजसंस्थाको अन्त भयो । राजसंस्था त अन्त भयो तर बहुसंख्यक जनताको मन र मुटुबाट राजसंस्था हटेको छैन । अभिभावकीय भए पनि राजसंस्था चाहिन्छ भन्ने आवाज सडकबाट उठि नै रहेको छ । के सुखको बेला, के दुःखको बेला राजसंस्थाको लागि आवाज उठिरहेकै छ । हिन्दु र बौद्ध सभ्यताको सहअस्तित्व तथा विभिन्न जातजाती र समुदायका मौलिक संस्कृतिले नेपाललाई विशिष्ट बनाएका थिए, छन् । सनातन संस्कृतिको संरक्षण गर्नु भनेको अरु धर्मको अधिकार संकुचित गर्नु होइन । सबै धर्मको स्वतन्त्रताको सम्मान गर्दै नेपालको मौलिक सभ्यताको संरक्षण गर्न सकिन्छ । हामी नेपाली एकिकृत, संगठित र मेलमिलाप साथ हिड्ने बाटो भनेको संवैधानिक राजसंस्था र हिन्दु धर्म पूनरवहाली नै हो । जब हामी बोल्छौं, त्यो हाम्रो स्वार्थले मात्र होइन, देश र जनताको आवश्यकताले हो । राजसंस्थाले नेपालको जाती धर्म, भुगोल र समुदायका नाममा नागरिकलाई विभाजित गर्दैन, साझा नेपाली पहिचानमा जोड्छ । राजसंस्थाको पूनस्थापनाको वहसमा यहि व्यापक राजनीतिक सन्दर्भमा हेर्न आवश्यक छ । संवैधानिक र गैरदलीय राजसंस्थाले राष्ट्रिय निरन्तरता, सांस्कृतिक पहिचान र एकताको साझा केन्द्रको भूमिका निर्वाह गर्न सक्छ भन्ने जनमतका उपेक्षा गर्न नसकिने राजनीतिक बहस बनेको छ । नेपाललाई अब अर्को सत्ता समीकरण मात्र होइन, राष्ट्रिय दिशाको स्पष्टता चाहिएको छ । व्यवस्था जनताको लागि हो, जनता व्यवस्थाको लागि हो । त्यसैले गणतन्त्र वा राजसंस्थाको बहस समेत भावनात्मक आग्रह–पूर्वाग्रहबाट होइन, राष्ट्रिय हित र परिणामकका आधारमा हुनुपर्छ । राष्ट्रिय एकता, सार्वभौमसत्ता, सनातन सभ्यता, सामाजिक सद्भाव, विधिको शासन, भ्रष्टाचार नियन्त्रण, निष्पक्ष न्याय, आर्थिक आत्म निर्भरता, प्राकृतिक स्रोतको राष्ट्रिय हितमा उपयोग र युवालाई स्वदेशमै भविस्य छ भन्ने बनाउन आजको प्राथमिकता बन्नुपर्छ । राजा, राष्ट्रपति, राजनीतिक दल वा कुनै संस्था राष्ट्रभन्दा ठूलो हुँदैन । राष्ट्र सबै भन्दा मािथ हुन्छ । हिजोको दिनको हामीले आज स्मरण गर्ने बेला आएको छ । राजाले जनताको सम्पत्ति लुटेको अवस्था थिएन । जनताको अभिमत विर्सेको अवस्था थिएन । देशमा यस्तो परिस्थिति बन्यो, जसले गर्दा राजा ज्ञानेन्द्रले सत्ता त्याग्नु प¥यो । हामी सबैले यो कुरा मान्नुपर्छ । बेलायत, जापान जस्ता विकसित देशमा पनि राजालाई स्थान दिएको पाएको छौं । अन्त राजा राख्न हुने, एक युग बोकेको राजसंस्था नेपालमा राख्न किन नहुने ? नेपालको भविष्य पनि त्यही राजनीति व्यवस्थामा सुरक्षित हुनेछ, जसले जनतालाई सर्वोच्च राख्दै राष्ट्रलाई स्वाधीन, न्यायलाई निष्पक्ष र अर्थतन्त्रलाई आत्मनिर्भर बनाउन सक्छ । त्यसैले हामीले खोजेको राजसंस्था, निष्पक्ष न्याय, शान्ति र विकास दिने र जनताको अभिमत अनुसार चल्ने खोजेका हौ । यहि पेरिफेरिमा आज लाखौ जनताले राजसंस्था पूनस्थापना खोज्नु के स्वभाविक होइन ? रत्नपार्कमा समेत विभिन्न संस्थाले राजसंस्था पुनःस्थापनाको लागि हस्ताक्षर अभियान गरिरहेका छन् । त्यो हस्ताक्षर अभियान आफ्नो स्वार्थलाई भन्दा जनमत बुझ्ने माध्यम हो भन्ने हामीले बुझ्नु पर्छ । त्यो हस्ताक्षर अभियान राजसंस्था पुनःस्थापनाको लागि सुरुवात बन्न सक्छ । (लेखक जोशी सामाजिक एवम् राजनीतिक अभियन्ता हुन ।)

    राष्ट्र बैंकले बैंकहरुलाई भन्योः एटीएममा १०० रुपैयाँ दरका नोट पनि राख्नू 

    ‘नबिल एसएसई फेलोसिप’को सातौं समूहका लागि आवेदन आह्वान

    उद्योग मन्त्री गौरी कुमारी यादवले दिइन् राजीनामा  

    सम्पर्क

    सेतोघर मिडिया नेटवर्क प्रा‍.लि.
    कम्पनी रजिष्टर्ड  कार्यालय दर्ता नम्बरः १६३२३३
    प्यान नम्बरः ६०६००३१९५
    बागबजार, काठमाडौं
    सूचना विभाग दर्ता नम्बरः २४३८/२०७७/०७८
    सम्पर्क नम्बरः ९८५११९०८७५
    इमेलः setogharnews@gmail.com

    हाम्रो टिम

    सम्पादकः कमल पन्थी
    सहसम्पादक: सरस्वती खनाल

    सम्वाददाताः गणेश पाण्डे

    हाम्रो बारेमा

    हामी नेपालीजनहरुमा आशा, उर्जा, प्रेरणा र प्राेत्साहन जागरणकाे उद्देश्य सहित सञ्चालनमा रहँदै आएका छाैं ।

    अनलाइन मिडियाकाे अलावा क्षमता अभिवृद्धि, उद्यमशिलता विकास, वित्तीय साक्षरता एवं सकारात्मक साेच विकास लगायतका विभिन्न तालिमहरु पनि हामीले सञ्चालन गर्दै आएका छाैं ।

    © 2026 All right reserved to सेताेघर मिडिया नेटवर्क प्रा लि  | Site By : Sobij