समता घरेलु लघुवित्त वित्तिय संस्था लिमिटेड (SMATA) ले आर्थिक बर्ष २०७७/७८ को मुनाफाबाट शेयरधनीहरुलाई २०% बोनस शेयर र ५% नगद लाभांश (कर प्रयोजनार्थ समेत) गरी कुल २५% लाभांश वितरण गर्ने घोषणा गरेको छ।
कम्पनीको मिति २०७८ कार्तिक १५ गते सोमवारको दिन दिउँसो ३:१५ बजे बसेको संचालक समितिको ११८औं बैठकले आ. व. २०७७/७८ को वितरण योग्य मुनाफा रकमबाट शेयरधनीहरुलाई हाल कायम रहेको चुक्ता पूँजी रु.२८ करोड ५६ लाख २० हजार १ सय ६० को २०% अर्थात रु.५ करोड ७१ लाख २४ हजार ३२ बराबरको बोनस शेयर तथा ५% अर्थात रु.१ करोड ४२ लाख ८१ हजार ८ बराबरको नगद लाभांश (कर प्रयोजनार्थ समेत) वितरण गर्ने निर्णय गरेको हो।
संचालक समितिले निर्णय गरेको सो लाभांश प्रस्ताव नियामक निकाय नेपाल राष्ट्र बैंकबाट स्वीकृति भए पश्च्यात साधारण सभाको छलफलमा समावेश गरिनेछ। प्रस्ताव गरिएको लाभांश वार्षिक साधारण सभाबाट पारित भएपश्च्यात मात्र योग्य शेयरधनीले दाबी गर्न पाउने छन्।
© 2026 All right reserved to सेताेघर मिडिया नेटवर्क प्रा लि | Site By : Sobij