
अाज नेप्से परिसूचक करिब ६ प्रतिशत बढेर बन्द भएको छ। अर्थमन्त्री र गभर्नर बीच भएकाे टेलिफाेन वार्ता पश्चात् ४५ कम्पनीकाे मूल्यमा सर्किट लाग्न पुगेकाे छ ।
मार्जिन कर्जामा १२ करोडको सीमाको त्रासले घटेको बजार, यस दिन अर्थमन्त्री र गर्भनर बीचको टेलिफोन वार्ताको समाचार पछि उच्च दरमा बढ्न थालेको हो।
अाज दिन शेयर बजारमा देखिएको पछिल्लो परिस्थितिका सम्बन्धमा अर्थमन्त्री र नेपाल राष्ट्र बैंकका गभर्नर बीच टेलिफोन कुराकानी भएको थियो। सो कुराकानीमा गभर्नरले आवश्यक प्रक्रिय मिलाई परिस्थिति सहज बनाउने समाचार बाहिरिएसँगै नेप्से उच्च दरमा बढेको हो।
सोमबार नेप्से परिसूचक ५.७४ प्रतिशत बढेर २९८०.७८ विन्दुमा पुगेको छ। यस दिन सेन्सेटिभ इण्डेक्स ६.०२ प्रतिशत बढेको छ। त्यसैगरी, यस दिन फ्लोट इण्डेक्स ११.२३ अंक र सेन्सेटिभ फ्लोट इण्डेक्स १०.४४ अंक बढेको छ। यस दिन २२४ कम्पनीको १ लाख ९ हजार पटकको कारोबारमा ९ अर्ब ८२ करोड ६२ लाख २२ हजार रुपैयाँ बराबरको १ करोड ७९ लाख २२ हजार कित्ता शेयर खरिदबिक्री भएको छ।
नेप्से उच्च दरमा बढेको दिन ४५ कम्पनीको शेयरमूल्य १० प्रतिशत बढेर कारोबार भएको छ। कारोबारमा आएका २२४ कम्पनीमध्ये जम्मा ८ कम्पनीको मात्र शेयरमूल्य घटेको छ।
यस दिन १३ वटै उपसमूहको परिसूचक बढेका छन्। जसमध्ये विकास बैंक, जलविद्युत र वित्त उपसमूहको परिसूचक ९ प्रतिशतभन्दा बढी बढेको छ। त्यसैगरी, अन्य उपसमूहको परिसूचक ८.३८ प्रतिशत बढेको छ भने उत्पादन तथा प्रशोधन र लगानी उपसमूहको परिसूचक ६ प्रतिशतभन्दा बढी बढेको छ।
© 2026 All right reserved to सेताेघर मिडिया नेटवर्क प्रा लि | Site By : Sobij