
काठमाडौं । सुनको भाउले नयाँ रेकर्ड कायम गरेको छ । बुधबार प्रतितोला १६ सय रुपैंयाले बढेर सुन तोलाको एक लाख रुपैयाँ नाघेको हो ।
आज छापावाल सुन प्रतितोला एक लाख एक हजार ४ सय रुपैंयामा कारोबार भइरहेको नेपाल सुनचाँदी व्यवसायी महासंघले जनाएको छ । त्यसै गरी तेजावी सुन प्रतितोला एक लाख ९ सय रुपैंयामा कारोबार भइरहेको महासंघले जनाएको छ । महासंघका अनुसार अन्तर्राष्ट्रिय बजारमा आज सुनको भाउ प्रति औंस ४० डलरले बढेको छ ।
आज चाँदीको भाउ पनि प्रतितोला ६५ रुपैंयाले बढेको छ । चाँदी आज तोलाको १२ सय ९५ रुपैंयामा कायम गरिएको छ ।
© 2026 All right reserved to सेताेघर मिडिया नेटवर्क प्रा लि | Site By : Sobij