
भारतका क्रिकेट चयनकर्ताप्रति जब कडा टिप्पणी गर्ने बारेमा चर्चा हुन्छ तब मोहिन्दर अमरनाथको नाम आउँछ। यी अलराउण्डरले सन् १९८० को दशकमा आफूलाई टोलीबाट बाहिर पठाइएपछि चयनकर्ताहरूलाई ‘जोकर’ भनेका थिए।
त्यसको ३० वर्षपछि उनका साथी खेलाडी तथा महान ब्याटस्म्यान सुनिल गावास्करले अमरनाथकै जसरी भारतीय चयनकर्ताप्रति तीखो कटाक्ष गरेका छन्। उनले विश्वकपमा सेमिफाइनलमा पराजित भएपछि पनि विराट कोहलीलाई टोलीको कप्तान यथावत राखेकोमा प्रश्न गरेका छन्।
सुनिलले पुनः कोहलीलाई कप्तानी दिनुअघि आधिकारिक वैठक हुनुपर्ने बताएका छन्।
मुम्बईबाट प्रकाशित हुने मिड-डे पत्रिकाका लागि लेखेको एक लेखमा उनले सो धारणा राखेका हुन्।
© 2026 All right reserved to सेताेघर मिडिया नेटवर्क प्रा लि | Site By : Sobij