
कोपा अमेरिका फुटबलमा घरेलु टोली ब्राजिलले विजयी सुरुवात गरेको छ । शनिबार बिहान भएको खेलमा ब्राजिलले बोलिभियालाई ३–० गोलले पराजित गरेको हो ।
ब्राजिलको जितमा २ गोल फिलिप काउन्टिन्होले गरेका थिए भने एक गोल इभर्टन सुसाले थपे ।
सुरुदेखि बोलिभियाविरुद्ध बल पोजेशन बढी राखेप नि गोल गर्न भने ब्राजिललाई दोस्रो हाफ कुर्नु परेको थियो । ५० औं मिनेटमा बोलिभियाका खेलाडीले डी बक्समा फल गरेपछि पाएको पेनाल्टीलाई फिलिप काउटिन्होले गोल गर्दै ब्राजिललाई १–० को अग्रता दिलाए । त्यसका तीन मिनेट पछि काउटिन्होले नै टिमका लागि र व्यक्तिगत दोस्रो गोल गरे ।
© 2026 All right reserved to सेताेघर मिडिया नेटवर्क प्रा लि | Site By : Sobij