
नेपाल कम्युनिष्ट पार्टीको एकता प्रक्रिया तत्काल नटुंगिने भएको छ। नेकपामा पोलिटब्युरो गठन र केन्द्रीय सदस्यको कार्यविभाजनको काम बाँकी छ।
नेकपाभित्र पूर्वमाओवादी केन्द्रले पाएका ६६ पोलिटब्युरो सदस्यको नाम टुंग्याउन नसक्दा एकता प्रक्रिया लम्बिएको थियो। पूर्वमाओवादीतर्फको ६६ जनाको सूचीमा गृहमन्त्री रामबहादुर थापा ‘बादल’ले आफ्ना धेरै मान्छे राखेको भन्दै सो विवाद बढेको छ। पार्टी अध्यक्ष प्रचण्ड पनि बादलले धेरै भाग खोजेपछि असन्तुष्ट छन्।
अहिले सरकारलाई बजेटको चटारो परेकाले एकता प्रक्रिया झनै लम्बिने देखिएको छ। प्रधानमन्त्री केपी शर्मा ओलीसहितका नेताहरू बजेट निर्माणमा केन्द्रीत भएका छन्।
नारायणकाजीको असहमति बाहिर देखिए पनि नेकपाका अध्यक्ष प्रचण्डसमेत पोलिटब्युरो गठनमा सचिवालय सदस्य बादलले आफूखुसी गरेकोमा असन्तुष्ट छन्।
© 2026 All right reserved to सेताेघर मिडिया नेटवर्क प्रा लि | Site By : Sobij